അംബാനി വൈദ്യുതി വില്‍ക്കുന്നു!; കടം വീട്ടാന്‍ വൈദ്യുതി വിതരണ ബിസിനസുകള്‍ വില്‍ക്കാന്‍ ഒരുങ്ങി അനില്‍ അംബാനി
അനില്‍ അംബാനിയുടെ ഉടമസ്ഥതയിലുള്ള റിലയന്‍സ് ഇന്‍ഫ്രാസ്ട്രക്ചര്‍ ലിമിറ്റഡിന്റെ ഡല്‍ഹി വൈദ്യുതി വിതരണ ബിസിനസുകള്‍ വില്‍ക്കാന്‍ ഒരുങ്ങുന്നതായി റിപ്പോര്‍ട്ട്. ബിസിനസ് വാങ്ങുന്നതിന് കെയ്സ് ഡി ഡെപാറ്റ് എറ്റ് പ്ലേസ്‌മെന്റ് ഡു ക്യുബെക്ക് (സിഡിപിക്യു), ആക്റ്റിസ് എല്‍എല്‍പി, ബ്രൂക്ക്ഫീല്‍ഡ് അസറ്റ് മാനേജ്മെന്റ് എന്നിവയുള്‍പ്പെടെ എട്ട് നിക്ഷേപകര്‍ താത്പര്യം പ്രകടിപ്പിച്ചതായാണ് വിവരം. ഗ്രീന്‍കോ എനര്‍ജി ഹോള്‍ഡിംഗ്‌സ്, എനെല്‍ ഗ്രൂപ്പ്, ഐ സ്‌ക്വയര്‍ ക്യാപിറ്റല്‍, ടോറന്റ് പവര്‍, വേഡ് ക്യാപിറ്റല്‍ ഗ്രൂപ്പ് എല്‍എല്‍സി എന്നിവയാണ് മറ്റ് നിക്ഷേപകര്‍.
ബിഎസ്ഇഎസ് രാജധാനി പവര്‍ ലിമിറ്റഡ് (ബിആര്‍പിഎല്‍), ബിഎസ്ഇഎസ് യമുന പവര്‍ ലിമിറ്റഡ് (ബിവൈപിഎല്‍) എന്നിവയില്‍ 51 ശതമാനം ഓഹരി വാങ്ങുന്നതിനായി റിലയന്‍സ് ഇന്‍ഫ്രാസ്ട്രക്ചര്‍ കെപിഎംജിയെ നിയമിച്ചിട്ടുണ്ട്. രണ്ട് വൈദ്യുതി വിതരണം ബിസിനസുകളും ദേശീയ തലസ്ഥാനത്ത് ഏകദേശം 4.4 ദശലക്ഷം ഉപഭോക്താക്കളെ പരിപാലിക്കുന്നുണ്ട്. 2018 ഓഗസ്റ്റില്‍ മുംബൈ നഗര വൈദ്യുതി വിതരണ ബിസിനസ്സ് അദാനി ട്രാന്‍സ്മിഷന്‍ ലിമിറ്റഡിന് 18,800 കോടി രൂപയ്ക്ക് റിലയന്‍സ് ഇന്‍ഫ്രാസ്ട്രക്ചര്‍ വിറ്റിരുന്നു.
കടം വീട്ടുന്നതിനായാണ് അനില്‍ ധീരുഭായ് അംബാനി ഗ്രൂപ്പിന്റെ ഭാഗമായ റിലയന്‍സ് ഇന്‍ഫ്രാസ്ട്രക്ചര്‍ ഡല്‍ഹിയിലെ വൈദ്യുതി വിതരണ ബിസിനസുകള്‍ വില്‍ക്കാന്‍ ഒരുങ്ങുന്നത്. എന്നാല്‍ റിലയന്‍സ് ഇന്‍ഫ്രാസ്ട്രക്ചര്‍ ലിമിറ്റഡ് വക്താക്കള്‍ ഇക്കാര്യത്തെക്കുറിച്ച് പ്രതികരിച്ചിട്ടില്ല. സിഡിപിക്യു, ആക്റ്റിസ് എല്‍എല്‍പി, ബ്രൂക്ക്ഫീല്‍ഡ്, ഗ്രീന്‍കോ എനര്‍ജി ഹോള്‍ഡിംഗ്‌സ്, ഐ സ്‌ക്വയര്‍ ക്യാപിറ്റല്‍, ടോറന്റ് പവര്‍ എന്നീ കമ്പനികളും ഈ വിഷയത്തില്‍ പ്രതികരിച്ചിട്ടില്ല. മെയ് എട്ടിന് മാര്‍ച്ച് പാദ വരുമാനം പ്രഖ്യാപിച്ചപ്പോള്‍ റിലയന്‍സ് ഇന്‍ഫ്രാസ്ട്രക്ചര്‍ അടുത്ത സാമ്പത്തിക വര്‍ഷത്തില്‍ കടം പൂജ്യമാക്കാനാണ് ലക്ഷ്യമിടുന്നതെന്ന് പ്രഖ്യാപിച്ചിരുന്നു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില്‍ അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്