ജൂണില്‍ വാഹന റീട്ടെയില്‍ വില്‍പ്പന 22.26 ശതമാനം വര്‍ധിച്ചു
ന്യൂഡല്‍ഹി: ഇന്ത്യയുടെ മൊത്തത്തിലുള്ള വാഹന റീട്ടെയില്‍ വില്‍പ്പന ജൂണില്‍ മുന്‍മാസത്തെ അപേക്ഷിച്ചും വാര്‍ഷികാടിസ്ഥാനത്തിലും ഉയര്‍ന്നു. ഫെഡറേഷന്‍ ഓഫ് ഓട്ടോമൊബൈല്‍ ഡീലേഴ്‌സ് അസോസിയേഷന്‍ (ഫഡ) പുറത്തുവിട്ട കണക്കുകള്‍ പ്രകാരം 2020 ജൂണ്‍ മാസവുമായുള്ള താരതമ്യത്തില്‍ 22.26 ശതമാനം വര്‍ധനയാണ് കഴിഞ്ഞ മാസത്തെ വില്‍പ്പനയില്‍ ഉണ്ടായത്.
2020 ജൂണില്‍ വിറ്റ 9,92,610 യൂണിറ്റുകളുടെ വില്‍പ്പനയാണ് റീട്ടെയ്ല്‍ തലത്തില്‍ ഉണ്ടായത്. കഴിഞ്ഞ മാസം ഇത് 12,17,151 യൂണിറ്റായി ഉയര്‍ന്നു. 2021 മേയ് മാസത്തില്‍ മൊത്തം വാഹന റീട്ടെയില്‍ വില്‍പ്പന 5,35,855 യൂണിറ്റായിരുന്നു എന്നും സംഘടന പുറത്തുവിട്ട റിപ്പോര്‍ട്ടില്‍ പറയുന്നു. എന്നിരുന്നാലും, കഴിഞ്ഞ മാസത്തെ മൊത്ത ചില്ലറ വില്‍പ്പന കണക്കുകള്‍ കോവിഡ് 19ന് മുന്‍പുള്ള 2019 ജൂണുമായി താരതമ്യപ്പെടുത്തുമ്പോള്‍ 28.32 ശതമാനം ഇടിവാണ് പ്രകടമാക്കുന്നത്.
2019 ജൂണില്‍ മൊത്തം വാഹന റീട്ടെയില്‍ വില്‍പ്പന 16,98,005 യൂണിറ്റായിരുന്നു. രാജ്യത്തെ വാഹന വില്‍പ്പന കൊറോണയുടെ ആഘാതത്തിന് മുന്‍പ് തന്നെ തിരിച്ചടികള്‍ നേരിട്ടിരുന്നു. നയപരമായ അനിശ്ചിതാവസ്ഥ, പെട്രോളിയം ഉല്‍പ്പന്നങ്ങളുടെ വില തുടങ്ങിയ കാരണങ്ങളായിരുന്നു പ്രധാനമായും അതിന് ഇടയാക്കിയത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്‍ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്