വിപണിയിലെ മാന്ദ്യത്തില്‍ തളര്‍ന്ന് ബജാജ് ഓട്ടോ; ആഗസ്റ്റില്‍ നേരിട്ടത് 11 ശതമാനം ഇടിവെന്ന് കമ്പനി; കയറ്റുമതിയില്‍ മാത്രം നാമമാത്രമായ പുരോഗതി
ഡല്‍ഹി: രാജ്യത്തെ വാഹന വിപണി ഗുരുതരമായ മാന്ദ്യത്തിലൂടെ കടന്നു പോകുന്ന വേളയിലാണ് വില്‍പനയില്‍ ഗണ്യമായ ഇടിവ് തുടര്‍ച്ചയായി നേരിടുകയാണെന്ന് വാഹന ഭീമനായ ബജാജ് ഓട്ടോയും വ്യക്തമാക്കിയിരിക്കുന്നത്. ആഗസ്റ്റിലെ റിപ്പോര്‍ട്ടുകള്‍ പ്രകാരം 11 ശതമാനം ഇടിവാണ് വാഹന വിപണിയില്‍ കമ്പനിയ്ക്ക് ഉണ്ടായിരിക്കുന്നത്. 2018 ആഗസ്റ്റില്‍ 4,37,092 യൂണിറ്റുകള്‍ കമ്പനി വിറ്റപ്പോള്‍ ഈ വര്‍ഷം അത് 3,90,026 ആയി എന്നാണ് കമ്പനി വ്യക്തമാക്കിയിരിക്കുന്നത്.
സ്വദേശീയമായ വില്‍പനയുടെ കണക്ക് നോക്കിയാല്‍ ഈ വര്‍ഷം 2,08,109 യൂണിറ്റുകളാണ് വിറ്റുപോയത്. കഴിഞ്ഞ വര്‍ഷം ഇത് 2,55,631 യൂണിറ്റുകളായിരുന്നു. 19 ശതമാനം ഇടിവാണ് ഇതിലുണ്ടായതെന്ന് കമ്പനി വ്യക്തമാക്കുന്നു. മോട്ടോര്‍ സൈക്കിള്‍ വിപണി നോക്കിയാല്‍ 3,25,300 യൂണിറ്റുകളാണ് ഇക്കുറി വിറ്റത്. കഴിഞ്ഞ വര്‍ഷം ഇത് 3,62,923 യൂണിറ്റുകളായിരുന്നു. കഴിഞ്ഞ വര്‍ഷം ആഗസ്റ്റിനേക്കാള്‍ 10 ശതമാനം ഇടിവാണ് ഉണ്ടായിരിക്കുന്നത്.
കൊമേഴ്‌സ്യല്‍ വാഹനങ്ങളുടെ കണക്ക് നോക്കിയാല്‍ 64,726 യൂണിറ്റുകളാണ് വിറ്റുപോയത്. കഴിഞ്ഞ വര്‍ഷം ഇത് 74,169 ആയിരുന്നു. 13 ശതമാനം ഇടിവാണ് ഈ മേഖലയില്‍ ഉണ്ടായത്. കയറ്റുമതിയുടെ കണക്കുകള്‍ നോക്കിയാല്‍ നേരിയ പുരോഗതിയാണുണ്ടായിരിക്കുന്നതെന്നും കമ്പനി വ്യക്തമാക്കുന്നു. 1,81,917 യൂണിറ്റുകളാണ് ഇക്കുറി കയറ്റുമതി ചെയ്തത്. എന്നാല്‍ കഴിഞ്ഞ വര്‍ഷം ഇത് 1,81,461 യൂണിറ്റുകളായിരുന്നു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്