40 മില്യണ്‍ ഡോളര്‍ നിക്ഷേപവുമായി പുതിയ ബാറ്ററി പ്ലാന്റ് നിര്‍മ്മിക്കാന്‍ സിഗ്‌നി എനര്‍ജി
ലിഥിയം-അയണ്‍ ബാറ്ററി നിര്‍മ്മാതാക്കളായ സിഗ്‌നി എനര്‍ജി പ്രൈവറ്റ് ലിമിറ്റഡ് ഹൈദരാബാദിന് സമീപം പുതിയ പ്ലാന്റ് നിര്‍മ്മിക്കുന്നു. പ്രതിവര്‍ഷം 40,000 ബാറ്ററികള്‍ ഒരുമിച്ച് സ്ഥാപിക്കാന്‍ ശേഷിയുള്ള ഒരു ഗ്രീന്‍ഫീല്‍ഡ് നിര്‍മ്മാണ പ്ലാന്റ് സ്ഥാപിക്കാന്‍ ഏകദേശം 40 മില്യണ്‍ ഡോളര്‍ (300 കോടിയിലധികം) നിക്ഷേപിക്കാന്‍ ഒരുങ്ങുന്നതായാണ് റിപ്പോര്‍ട്ട്.
1 ജിഗാവാട്ട് മണിക്കൂര്‍ വാര്‍ഷിക ശേഷിയുള്ള പുതിയ പ്ലാന്റ് ബാറ്ററി പാക്ക് നിര്‍മ്മാതാക്കളുടെ നിര്‍മ്മാണ ശേഷിയെ നാലിരട്ടിയാക്കും. ഇലക്ട്രിക് വാഹനങ്ങള്‍ക്കും (ഇവികള്‍) ടെലികോം ടവറുകള്‍ പോലുള്ള സ്റ്റേഷനറി ആപ്ലിക്കേഷനുകള്‍ക്കും ബാറ്ററികള്‍ ഉപയോഗിക്കുന്നു. ഹൈദരാബാദ് ആസ്ഥാനമായുള്ള കമ്പനി ഡെറ്റ്, ഇക്വിറ്റി എന്നിവയിലൂടെ ഫണ്ട് സ്വരൂപിക്കാന്‍ നോക്കുന്നുണ്ട്. ഏകദേശം 7-10 മില്യണ്‍ ഡോളര്‍ ഇക്വിറ്റിയില്‍ നിന്നും ബാക്കി കടബാധ്യതയായും വരുമെന്ന് ചീഫ് എക്‌സിക്യൂട്ടീവ് ഓഫീസര്‍ വെങ്കട്ട് രാജാരാമന്‍ പറഞ്ഞു.
നിലവില്‍ 250 മെഗാവാട്ട്-മണിക്കൂര്‍ വാര്‍ഷിക ശേഷിയാണ് സിഗ്‌നിക്കുള്ളത്. അത് നിലവില്‍ പൂര്‍ണ്ണമായി ഉപയോഗിക്കുന്നില്ല. 2017 മുതല്‍ കമ്പനി ഇതുവരെ 125 മെഗാവാട്ട് മണിക്കൂര്‍ ബാറ്ററികള്‍ വിറ്റഴിച്ചിട്ടുണ്ട്. ഇത് ഏകദേശം 60,000 ഇവി ബാറ്ററികള്‍ക്ക് തുല്യമാണ്. ബാറ്ററി നിര്‍മ്മാതാക്കള്‍ ചെറിയ സെല്ലുകളെ ഒരു ബാറ്ററിയാക്കി മാറ്റുകയും അതിന് ആവശ്യമായ ബാറ്ററി മാനേജ്‌മെന്റ് സിസ്റ്റം വികസിപ്പിക്കുകയും ചെയ്യുന്നു. ലിഥിയം-അയണ്‍ സെല്ലുകള്‍ ഇന്ത്യയില്‍ നിര്‍മ്മിക്കപ്പെടുന്നില്ല. അവ രാജ്യത്തേക്ക് ഇറക്കുമതി ചെയ്യുകയാണ്. കൂടുതലും ചൈനയില്‍ നിന്നുമാണ് ഈ ഇറക്കുമതി. സിഗ്‌നിയില്‍ ഇലക്ട്രിക് ഇരുചക്ര, മുച്ചക്ര വാഹനങ്ങള്‍ക്കായി ഏകദേശം 16 വ്യത്യസ്ത ബാറ്ററി പായ്ക്കുകള്‍ ഉണ്ട്. അതില്‍ എട്ടെണ്ണം ഇതിനകം പ്രാദേശിക ടെസ്റ്റിംഗ് ഏജന്‍സികള്‍ അംഗീകരിച്ചിട്ടുണ്ട്. പ്രമുഖ ഇവി നിര്‍മ്മാതാക്കളുമായി കമ്പനി ചേര്‍ന്ന് പ്രവര്‍ത്തിക്കുന്നു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല്‍ പ്രാബല്യത്തില്