ഇടക്കാല ലാഭവിഹിതമായി കേന്ദ്രസര്‍ക്കാരിന് 92 കോടി രൂപ നല്‍കി ഭാരത് ഡൈനാമിക്‌സ്
ഹൈദരാബാദ്: പ്രതിരോധ രംഗത്തെ പൊതുമേഖലാ സ്ഥാപനമായ ഭാരത് ഡൈനാമിക്‌സ് കേന്ദ്രസര്‍ക്കാരിന് ഇടക്കാല ലാഭവിഹിത ഇനത്തില്‍ 92 കോടി രൂപ നല്‍കി. ഔദ്യോഗിക വാര്‍ത്താക്കുറിപ്പിലാണ് കമ്പനി ഇക്കാര്യം വ്യക്തമാക്കിയത്. 2020-21 കാലത്തെ കമ്പനിയുടെ ലാഭവിഹിതമാണിത്. പത്ത് രൂപയുടെ ഓഹരി ഒന്നിന് 6.70 രൂപ വെച്ചാണ് ലാഭവിഹിതം നല്‍കിയത്.
67 ശതമാനം ലാഭവിഹിതമാണ് കമ്പനി പ്രഖ്യാപിച്ചത്. 183.28 കോടിയാണ് കമ്പനിയിലെ ഓഹരി മൂലധനം. ബിഡിഎല്ലിന്റെ ചെയര്‍മാനും മാനേജിങ് ഡയറക്ടറുമായ റിട്ടയേര്‍ഡ് കൊമഡോര്‍ സിദ്ധാര്‍ത്ഥ് മിശ്രയാണ് കേന്ദ്ര പ്രതിരോധ മന്ത്രി രാജ്നാഥ് സിങിന് ലാഭവിഹിതം കൈമാറിയത്.
പ്രതിരോധ മന്ത്രാലയത്തില്‍ നിന്ന് ഡിഫന്‍സ് പ്രൊഡക്ഷന്‍ സെക്രട്ടറി രാജ് കുമാര്‍, പി ആന്റ് സി ജോയിന്റ് സെക്രട്ടറി അനുരാഗ് ബാജ്‌പേയി എന്നിവരും ബിഡിഎല്ലില്‍ നിന്ന് മാര്‍ക്കറ്റിങ് വിഭാഗം എക്‌സിക്യുട്ടീവ് ഡയറക്ടറായ റിട്ടയേര്‍ഡ് കൊമൊഡോര്‍ ടി എന്‍ കൗള്‍, ലെയ്സണ്‍ വിഭാഗം ഡപ്യൂട്ടി ജനറല്‍ മാനേജര്‍ കേണല്‍ രവി പ്രകാശ് എന്നിവരുടെ സാന്നിധ്യത്തിലാണ് ചെക്ക് കൈമാറിയത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്