ബിഎസ്എന്‍എല്ലിന്റെ സാമ്പത്തിക നഷ്ടം കുറയുമെന്ന് റിപ്പോര്‍ട്ട്
ന്യൂഡല്‍ഹി: രാജ്യത്തെ ഏറ്റവും വലിയ പൊതുമേഖലാ ടെലികോം കമ്പനിയായ ബിഎസ്എന്‍എല്ലിന്റെ സാമ്പത്തിക നഷ്ടം 2019 സാമ്പത്തിക വര്‍ഷം കുറയുമെന്ന് റിപ്പോര്‍ട്ട്. ചിലവ് ചുരുക്കല്‍ നടപടികളുടെ ഭാഗമായും, ബിഎസ്എന്‍എല്‍ ജീവനക്കാരെ നിയമിക്കുന്നതിലുള്ള പരിഷ്‌കരണം നടപ്പിലാക്കുന്നതിന്റെ ഭാഗമായുമാണ് സാമ്പത്തിക ബാധ്യത കുറയുമെന്ന വര്‍ത്തകള്‍ പുറത്തു വന്നിട്ടുള്ളത്. 8000കോടി രൂപയുടെ സാമ്പത്തിക നഷ്ടമാണ് 2018 സാമ്പത്തിക വര്‍ഷം ബിഎസ്എന്‍എല്ലിന് ഉണ്ടായിരുന്നത്. 2019 സാമ്പത്തിക വര്‍ഷം ഇത് 7500 കോടി രൂപയാക്കി കുറക്കാന്‍ സാധിക്കുമെന്നാണ് കേന്ദ്രസര്‍ക്കാറിന്റെ പുതിയ പ്രതീക്ഷ.
ബിഎസ്എന്‍എല്ലിന്റെ സാമ്പത്തിക ബാധ്യത 2019 സാമ്പത്തിക വര്‍ഷം കുറയുമെന്ന് ബിഎസ്എന്‍എല്‍ ചെയര്‍മാന്‍ അനുപം ശ്രീവാസ്തവ പറഞ്ഞു. അതേസമയം 2018 മാര്‍ച്ച് മാസത്തില്‍ അവസാനിച്ച സാമ്പത്തിക വര്‍ഷത്തില്‍ 7992 കോടി രൂപയുടെ സാമ്പത്തിക നഷ്ടമാണ് ബിഎസ്എന്‍എല്ലിന് ഉണ്ടായിട്ടുള്ളത്. 2017 മാര്‍ച്ച് മാസം ഇതേ കാലയളവില്‍ 4793 കോടി രൂപയുടെ സാമ്പത്തിക നഷ്ടമാണ് ബിഎസ്എന്‍എല്ലിന് ഉണ്ടായിരുന്നത്. റിലയന്‍സിന്റെ ജിയോ അടക്കമുള്ള സ്വകാര്യ ടെലികോം കമ്പനികളുടെ കടന്നുവരവോടെയാണ് ബിഎസ്എന്‍എല്ലിന്റെ സാമ്പത്തിക ബാധ്യത പെരുകുന്നതിന് കാരണയതെന്നാണ് സാമ്പത്തിക വിദഗ്ധര്‍ അഭിപ്രായപ്പെടുന്നത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്