ബൈജൂസ് ഇന്ത്യയിലെ ഏറ്റവും മൂല്യവത്തായ സ്റ്റാര്‍ട്ടപ്പായി മാറാന്‍ ഒരുങ്ങുന്നു; 150 മില്യണ്‍ ഡോളര്‍ കൂടി സമാഹരിക്കും
ടൈം മാഗസിന്റെ 100 'മോസ്റ്റ് ഇന്‍ഫ്ളുവന്‍ഷ്യല്‍' കമ്പനികളുടെ പട്ടികയില്‍ ആദ്യമായി ഇടം നേടിയ ശേഷം, എഡ്-ടെക് സ്റ്റാര്‍ട്ടപ്പ് ബൈജൂസ് ഇന്ത്യയിലെ ഏറ്റവും മൂല്യവത്തായ സ്റ്റാര്‍ട്ടപ്പായി മാറാന്‍ ഒരുങ്ങുന്നു. യുബിഎസ് ഗ്രൂപ്പില്‍ നിന്നും 150 മില്യണ്‍ ഡോളര്‍ കൂടെ സമാഹരിക്കുകയാണ് മലയാളി ബൈജു രവീന്ദ്രന്റെ ഉടമസ്ഥതയിലുള്ള ബംഗളുരു ആസ്ഥാനമായ ഈ കമ്പനി. യുബിഎസ് അസറ്റ് മാനേജ്‌മെന്റിന്റെ ഭാഗമായ ഒരു എന്റിറ്റിയാണ് നിക്ഷേപം നടത്തുക.
കോവിഡ് കാലത്ത് ഏറ്റവും വലിയ ഫണ്ടിംഗ് സ്വന്തമാക്കിയ കമ്പനികളില്‍ റിലയന്‍സ് പോലെ തന്നെ ചര്‍ച്ചകളില്‍ ഇടം നേടിയിരിക്കുകയാണ് ബൈജൂസും. യുബിഎസിന്റെ മുഴുവന്‍ നിക്ഷേപം ഏകദേശം 300 മില്യണ്‍ ഡോളര്‍ ആയിരിക്കുമെന്നും വാര്‍ത്തകള്‍ പറയുന്നു. യുബിഎസ് നിക്ഷേപമെത്തുന്നതോടുകൂടി രാജ്യത്തെ നിലവിലെ ഏറ്റവും മൂല്യമേറിയ സ്റ്റാര്‍ട്ടപ്പായ പേടിഎമ്മിന് മുകളിലെത്തും ബൈജൂസ്. നിലവില്‍ 16 ബില്യണ്‍ ഡോളറാണ് പേടിഎമ്മിന്റെ മൂല്യം.
യുബിഎസും ബൈജുവും തമ്മിലുള്ള ഇടപാട് സംബന്ധിച്ച ചര്‍ച്ച യുബിഎസിലെ മണി മാനേജര്‍ മുസാബ് ജാവേദ് കമ്പനിയുമായി ചര്‍ച്ച നടത്തിയതായി ബ്ലൂംബെര്‍ഗ് റിപ്പോര്‍ട്ടില്‍ പറയുന്നു. ബൈജൂസിന്റെ കെ -12 ആപ്പിന് ഇന്ത്യയില്‍ 80 ദശലക്ഷത്തിലധികം രജിസ്റ്റര്‍ ചെയ്ത ഉപയോക്താക്കളുണ്ടെന്നും കോവിഡ് കാലത്താണ് ഇത്രയധികം ഉപയോക്താക്കളെ ഓണ്‍ലൈന്‍ ലേണിംഗിലേക്ക് നയിക്കാനായതെന്നും ബൈജു രവീന്ദ്രന്‍ പറയുന്നു.
ഫേസ്ബുക്ക് ഇന്‍കോര്‍പ്പറേറ്റ് സഹസ്ഥാപകന്‍ എഡ്വേര്‍ഡോ സാവെറിന്റെ ബി ക്യാപിറ്റല്‍ ഗ്രൂപ്പ്, ബാരന്‍ ഫണ്ട്സ്, എക്സ്എന്‍ എന്നിവയില്‍ നിന്ന് ഏകദേശം ഒരു ബില്യണ്‍ ഡോളര്‍ ഈ കോവിഡ് കാലത്ത് ബൈജൂസ് സമാഹരിച്ചിരുന്നു. ഈ കോവിഡ് കാലത്ത് മാത്രം ബൈജു തങ്ങളുടെ നിക്ഷേപക ലിസ്റ്റിലേക്ക് വലിയ ഒരു വമ്പന്മാരുടെ നിര തന്നെയാണ് ചേര്‍ത്തത്. സില്‍വര്‍ ലേക്ക് മാനേജ്മെന്റ്, ഔള്‍ വെഞ്ചേഴ്സ്, ടൈഗര്‍ ക്യാപിറ്റല്‍ എന്നിവരുള്‍പ്പെടുന്ന ലിസ്റ്റാണ് ഇത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്