അംഗന്‍വാടി പ്രവര്‍ത്തകര്‍ക്കും സഹായികള്‍ക്കും 50 ലക്ഷം രൂപയുടെ ആരോഗ്യ ഇന്‍ഷുറന്‍സ്
കൊവിഡ് ഡ്യൂട്ടിയിലുള്ള ആരോഗ്യ പ്രവര്‍ത്തകര്‍ക്ക് മാത്രമല്ല അംഗന്‍വാടി പ്രവര്‍ത്തകര്‍ക്കും സഹായികള്‍ക്കും 50 ലക്ഷം രൂപയുടെ ആരോഗ്യ ഇന്‍ഷുറന്‍സ് പ്രഖ്യാപിച്ച് കേന്ദ്രം. നിലവില്‍ ആരോഗ്യ പ്രവര്‍ത്തകര്‍ക്ക് ലഭ്യമായ ഇന്‍ഷുന്‍സ് പരിരക്ഷ അംഗന്‍വാടി പ്രവര്‍ത്തകര്‍ക്ക് കൂടി നീട്ടി നല്‍കുകയായിരുന്നു. പ്രധാന്‍ മന്ത്രി ഗരിബ് കല്യാണ്‍ യോജന പാക്കേജിനു കീഴിലാണ് സഹായം നല്‍കുന്നത്. രാജ്യത്ത് നിന്ന് കൊവിഡ് തുടച്ച് നീക്കുന്നത് വരെ മുന്‍നിരയില്‍ നിന്ന് പോരാടുന്നവര്‍ക്ക് ഇന്‍ഷുറന്‍സ് ലഭിക്കും. നിബന്ധനകളോടെയാണ് ഇന്‍ഷുറന്‍സ് നല്‍കുന്നത്.
കൊവിഡ് 19 മായി ബന്ധപ്പെട്ട ഉത്തരവാദിത്വങ്ങള്‍ക്ക് വിനിയോഗിക്കപ്പെട്ടിട്ടുള്ള ആശാപ്രവര്‍ത്തകര്‍ക്കും സഹായികള്‍ക്കും ഇന്‍ഷുറന്‍സ് നല്‍കുന്നത് അനേക കുടുംബങ്ങള്‍ക്ക് സഹായകരമാകും. ഗുണഭോക്താവിനു നിലവില്‍ ലഭിക്കുന്ന മറ്റ് ഇന്‍ഷുറന്‍സ് പരിരക്ഷ കൂടാതെയായിരിക്കും പദ്ധതിക്ക് കീഴില്‍ നല്‍കുന്ന അധിക ഇന്‍ഷുറന്‍സ്. 13.29 ലക്ഷം അംഗന്‍വാടി പ്രവര്‍ത്തകര്‍ക്കും 11.79 ലക്ഷം സഹായികള്‍ക്കും പദ്ധതിക്ക് കീഴില്‍ സഹായം ലഭിക്കും. കമ്മ്യൂണിറ്റി ആരോഗ്യ പ്രവര്‍ത്തകര്‍ക്കും പദ്ധതിക്ക് കീഴില്‍ സഹായം ലഭ്യമാണ്.
പദ്ധതി പ്രകാരം സാമൂഹ്യ, ആരോഗ്യ പ്രവര്‍ത്തകര്‍ ഉള്‍പ്പെടെ കോവിഡ് 19 രോഗികളെ പരിചരിക്കുന്നവരും അവരുമായി നേരിട്ടു സമ്പര്‍ക്കം പുലര്‍ത്തുന്നവരും തത്ഫലമായി രോഗം പിടിപെടാന്‍ സാധ്യത ഉള്ളവരും ആയ രാജ്യത്തെ മൊത്തം 22.12 ലക്ഷം പൊതു ജനാരോഗ്യ പ്രവര്‍ത്തകര്‍ക്ക് ഇന്‍ഷുറന്‍സ് ലഭിക്കും. 90 ദിവസത്തേയ്ക്കാണ് 50 ലക്ഷം രൂപയുടെ ഇന്‍ഷുറന്‍സ് പരിരക്ഷ നല്‍കുന്നത്. കൊവിഡ് 19 രോഗിയുമായി ബന്ധപ്പെട്ടതു മൂലം ആകസ്മികമായി ജീവഹാനി സംഭവിച്ചവരും ഈ പദ്ധതിയുടെ പരിധിയില്‍ ഉള്‍പ്പെടും.
അംഗന്‍വാടി പ്രവര്‍ത്തകര്‍ക്ക് പുറമെ കേന്ദ്ര-സംസ്ഥാന ആശുപത്രികള്‍, കേന്ദ്ര - സംസ്ഥാന, കേന്ദ്ര ഭരണ പ്രദേശങ്ങള്‍ എന്നിവയുടെ സ്വയം ഭരണ ആശുപത്രികള്‍, ഓള്‍ ഇന്ത്യ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ സയന്‍സസ്, കേന്ദ്ര മന്ത്രാലയത്തിന്റെ ആശുപത്രികള്‍ അവരുടെ ആവശ്യ പ്രകാരം നിയമിച്ചിട്ടുള്ള സ്വകാര്യ ആശുപത്രി ജീവനക്കാര്‍, വിരമിച്ചവര്‍, സന്നദ്ധ പ്രവര്‍ത്തകര്‍ എന്നിവര്‍ക്കും ഇന്‍ഷുറന്‍സ് ലഭിക്കും. പ്രാദേശിക-നഗര തദ്ദേശ സ്വയംഭരണ സ്ഥാപനങ്ങളിലെ കരാര്‍, ദിവസ വേതന, ജീവനക്കാര്‍ക്കും താത്ക്കാലിക ജോലിക്കാര്‍ക്കും ഇന്‍ഷുറന്‍സിന് അര്‍ഹതയുണ്ട്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്