അറ്റാദായത്തില്‍ 22 ശതമാനം ഇടിവുമായി ഡാബര്‍ ഇന്ത്യ
ന്യൂഡല്‍ഹി: 2022 മാര്‍ച്ചില്‍ അവസാനിച്ച നാലാം പാദത്തില്‍ എഫ്എംസിജി കമ്പനിയായ ഡാബര്‍ ഇന്ത്യയുടെ കണ്‍സോളിഡേറ്റഡ് അറ്റാദായം 21.98 ശതമാനം ഇടിഞ്ഞ് 294.34 കോടി രൂപയായി. 2021 ജനുവരി-മാര്‍ച്ച് പാദത്തില്‍ 377.29 കോടി രൂപയായിരുന്നു കമ്പനിയുടെ അറ്റാദായം. വിറ്റുവരവിന്റെ കാര്യത്തില്‍ ഡാബര്‍ ഇപ്പോള്‍ 10,000 കോടി രൂപയുടെ കമ്പനിയാണ്. 2022 സാമ്പത്തിക വര്‍ഷത്തില്‍ പ്രവര്‍ത്തനങ്ങളില്‍ നിന്നുള്ള ഡാബറിന്റെ വരുമാനം 10,888.68 കോടി രൂപയിലെത്തി. അവലോകന പാദത്തില്‍ പ്രവര്‍ത്തനങ്ങളില്‍ നിന്നുള്ള വരുമാനം 7.74 ശതമാനം ഉയര്‍ന്ന് 2,517.81 കോടി രൂപയായി. മുന്‍ സാമ്പത്തിക വര്‍ഷത്തെ ഇതേ പാദത്തില്‍ ഇത് 2,336.79 കോടി രൂപയായിരുന്നു.
ഡാബര്‍ ഇന്ത്യയുടെ നാലാംപാദത്തിലെ മൊത്തം ചെലവ് 2021 സാമ്പത്തിക വര്‍ഷത്തിലെ 1,969.54 കോടി രൂപയില്‍ നിന്ന് 2022 ല്‍ 8.7 ശതമാനം വര്‍ധിച്ച് 2,141.04 കോടി രൂപയായി. ഈ പാദത്തില്‍ കണ്‍സ്യൂമര്‍ കെയര്‍ ബിസിനസ് വിഭാഗത്തില്‍ നിന്നുള്ള ഡാബറിന്റെ വരുമാനം 4.25 ശതമാനം ഉയര്‍ന്ന് 2,095.15 കോടി രൂപയായി. മുന്‍ വര്‍ഷം ഇതേ കാലയളവില്‍ ഇത് 2,009.63 കോടി രൂപയായിരുന്നു. ഭക്ഷണ ബിസിനസ്സില്‍ നിന്നുള്ള വരുമാനം മുന്‍വര്‍ഷത്തെ 274.14 കോടി രൂപയുമായി താരതമ്യം ചെയ്യുമ്പോള്‍ 2022 ല്‍ 31.28 ശതമാനം ഉയര്‍ന്ന് 359.90 കോടി രൂപയായി.
ഡാബറിന്റെ അന്താരാഷ്ട്ര ബിസിനസ് ഈ പാദത്തില്‍ 10.7 ശതമാനം ഉയര്‍ന്ന് 665 കോടി രൂപയായി. 2021-22 വര്‍ഷം ഡാബറിന് ശക്തമായ വര്‍ഷമായിരുന്നുവെന്നും, വര്‍ഷാവസാനത്തില്‍ ഇന്ത്യന്‍ ബിസിനസ്സില്‍ 13.8 ശതമാനം വരുമാന വളര്‍ച്ചനേടിയെന്നും ഡാബര്‍ ഇന്ത്യ സിഇഒ മോഹിത് മല്‍ഹോത്ര പറഞ്ഞു. അതേസമയം, 2021-22 സാമ്പത്തിക വര്‍ഷത്തില്‍ 1 രൂപ മുഖവിലയുള്ള ഒരു ഇക്വിറ്റി ഷെയറിന് 2.70 രൂപ (270 ശതമാനം) അന്തിമ ലാഭവിഹിതം ബോര്‍ഡ് ശുപാര്‍ശ ചെയ്തതായി ഡാബര്‍ ഇന്ത്യ അറിയിച്ചു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്