താരങ്ങള്‍ ചൈനീസ് ഉല്‍പ്പന്നങ്ങളുടെ പരസ്യത്തില്‍ അഭിനയിക്കരുതെന്ന് സിഎഐടി
ന്യൂഡല്‍ഹി: രാജ്യത്തെ ഏറ്റവും വലിയ വ്യാപാരി സംഘടനയായ കോണ്‍ഫെഡറേഷന്‍ ഓഫ് ഓള്‍ ഇന്ത്യാ ട്രേഡേര്‍സ് പുതിയ ആവശ്യവുമായി രംഗത്ത്. സിനിമാ-കായിക താരങ്ങളോട് ഇനി മുതല്‍ ചൈനീസ് ഉല്‍പ്പന്നങ്ങളുടെ പരസ്യത്തില്‍ അഭിനയിക്കരുതെന്നാണ് നിര്‍ദ്ദേശം നല്‍കിയിരിക്കുന്നത്.
'ബോയ്ക്കോട്ട് ചൈന' പ്രചാരണത്തിന്റെ ഭാഗമായാണ് സിഎഐടി പുതിയ ആവശ്യവുമായി രംഗത്ത് വന്നിരിക്കുന്നത്. അമിതാഭ് ബച്ചന്‍, അക്ഷയ് കുമാര്‍, ശില്‍പ ഷെട്ടി, മാധുരി ദീക്ഷിത്, മഹേന്ദ്ര സിങ് ധോണി, സച്ചിന്‍ ടെണ്ടുല്‍ക്കര്‍, സോനു സൂദ് എന്നിവരോട് ഈ ക്യാംപെയിന്റെ ഭാഗമാകാനും നിര്‍ദ്ദേശിച്ചിട്ടുണ്ട്.
നിലവില്‍ ചൈനീസ് ഇലക്ട്രോണിക് ഉല്‍പ്പന്നങ്ങളുടെ പരസ്യത്തില്‍ അഭിനയിക്കുന്ന ബോളിവുഡ് താരങ്ങളോട് ഇത് അവസാനിപ്പിക്കാന്‍ നിര്‍ദ്ദേശം നല്‍കി. ഈ പട്ടിക വളരെ നീണ്ടതാണ്. അതില്‍ വിവോ പരസ്യത്തില്‍ അഭിനയിക്കുന്ന ആമിര്‍ ഖാന്‍, സാറ അലി ഖാന്‍ എന്നിവര്‍ക്ക് പുറമെ വിരാട് കോലി, ദീപിക പദുകോണ്‍, സിദ്ധാര്‍ത്ഥ് മല്‍ഹോത്ര, റാപ്പര്‍ ബാദ്ഷാ, രണ്‍ബീര്‍ കപൂര്‍, രണ്‍വീര്‍ സിങ്, സല്‍മാന്‍ ഖാന്‍, ശ്രദ്ധ കപൂര്‍, ആയുഷ്മാന്‍ ഖുറാന തുടങ്ങിയവരുണ്ട്. വ്യാപാര രംഗത്ത് ഇന്ത്യയുടെ രണ്ടാമത്തെ വലിയ പങ്കാളി ചൈനയാണ്. എന്നാല്‍ രണ്ട് മാസമായി അതിര്‍ത്തിയില്‍ തുടരുന്ന അസ്വസ്ഥകളില്‍ 20 ഇന്ത്യന്‍ ജവാന്മാര്‍ വീരമൃത്യു വരിച്ചതോടെ ചൈനീസ് ഉല്‍പ്പന്നങ്ങള്‍ വാങ്ങരുതെന്ന വലിയ പ്രചാരണം ആണ് ആരംഭിച്ചിരിക്കുന്നത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല്‍ പ്രാബല്യത്തില്