സൗദി അറേബ്യയില്‍ 1000 കോടി രൂപ മൂല്യമുള്ള കരാര്‍ നേടി വെല്‍സ്പണ്‍ കോര്‍പ്പറേഷന്‍
ന്യൂഡല്‍ഹി: സൗദി അറേബ്യയില്‍ 1000 കോടി രൂപ (490 മില്യണ്‍ സൗദി റിയാല്‍) മൂല്യമുള്ള കരാര്‍ നേടി വെല്‍സ്പണ്‍ കോര്‍പ്പറേഷന്‍ (ഡബ്ല്യുസിഎല്‍). വെല്‍സ്പണിന്റെ അനുബന്ധ സ്ഥാപനമായ ഈസ്റ്റ് പൈപ്പ്സ് ഇന്റഗ്രേറ്റഡ് കമ്പനി ഫോര്‍ ഇന്‍ഡസ്ട്രി (ഇപിഐസി)യാണ് സ്റ്റീല്‍ പൈപ്പുകള്‍ വിതരണം ചെയ്യുന്നതിനുള്ള കരാര്‍ നേടിയത്. ഇപിഐസി, സലൈന്‍ വാട്ടര്‍ കണ്‍വേര്‍ഷന്‍ കോര്‍പ്പറേഷനുമായി (എസ്ഡബ്ല്യുസിസി) 490 മില്യണ്‍ മില്യണ്‍ മൂല്യമുള്ള കരാര്‍ ഒപ്പിട്ടു.
സ്വകാര്യമേഖലയില്‍ നിന്നുള്ള നിക്ഷേപത്തിലൂടെ രാജ്യത്തിന്റെ ജല പൈപ്പ്ലൈന്‍ അടിസ്ഥാന സൗകര്യങ്ങള്‍ വിപുലീകരിക്കാനുള്ള സൗദി അറേബ്യ സര്‍ക്കാരിന്റെ ലക്ഷ്യത്തിന് അനുസൃതമായാണ് പദ്ധതിയെന്ന് ഡബ്ല്യുസിഎല്‍ വ്യക്തമാക്കി. 12 മാസമാണ് പദ്ധതി കാലാവധി. ഞങ്ങളുടെ അസോസിയേറ്റ് കമ്പനിയായ ഇപിഐസിയുടെ സൗദി വിപണിയില്‍ നേതൃസ്ഥാനം ഉറപ്പിക്കുന്നത് തുടരുന്നതിന്റെ തെളിവാണ് ഈ കരാറെന്ന് കമ്പനിയുടെ എംഡിയും സിഇഒയുമായ വിപുല്‍ മാത്തൂര്‍ പറഞ്ഞു. ലൈന്‍ പൈപ്പുകള്‍, ഹോം ടെക്സ്റ്റൈല്‍സ്, ഇന്‍ഫ്രാസ്ട്രക്ചര്‍, വെയര്‍ഹൗസിംഗ്, റീട്ടെയില്‍, അഡ്വാന്‍സ്ഡ് ടെക്സ്റ്റൈല്‍സ്, ഫ്ലോറിംഗ് സൊല്യൂഷന്‍സ് എന്നിവയിലെ മുന്‍നിര കമ്പനികളില്‍ ഒന്നാണ് വെല്‍സ്പണ്‍ ഗ്രൂപ്പിന്റെ മുന്‍നിര കമ്പനിയായ വെല്‍സ്പണ്‍ കോര്‍പ് ലിമിറ്റഡ്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്