നിക്ഷേപകര്‍ക്ക് ലോകത്തെവിടെ നിന്നും ട്രേഡിംഗ്, ഡിമാറ്റ് അക്കൗണ്ടുകള്‍ ആരംഭിക്കാം
നോണ്‍ റസിഡന്റ് എക്‌സ്റ്റേണല്‍ (എന്‍ആര്‍ഇ), നോണ്‍ റസിഡന്റ് ഓര്‍ഡിനറി (എന്‍ആര്‍ഒ)ബാങ്ക് അക്കൗണ്ട് ഉടമകളായ ഇന്ത്യന്‍ പൗരത്വമുള്ളവര്‍ക്ക് ലോകത്തെവിടെ നിന്നും സെന്‍ട്രല്‍ ഡെപ്പോസിറ്ററി സര്‍വീസസ്സ് ലിമിറ്റഡ് (സിഡിഎസ്എല്‍) മുഖാന്തരം ട്രേഡിംഗ്, ഡിമാറ്റ് അക്കൗണ്ടുകള്‍ ഓണ്‍ലൈനില്‍ ആരംഭിക്കാന്‍ ജിയോജിത് അവസരമൊരുക്കി.
ആധാറുമായി ബന്ധിപ്പിച്ച മൊബൈല്‍ നമ്പറും പാന്‍ കാര്‍ഡും ഉള്ള എന്‍ആര്‍ഇ, എന്‍ആര്‍ഒ അക്കൗണ്ട് ഉടമകള്‍ക്ക് ഓണ്‍ലൈനായി ലോകത്തിന്റെ ഏത് ഭാഗത്തു നിന്നും ജിയോജിത്തില്‍ ട്രേഡിംഗ്, ഡിമാറ്റ് അക്കൗണ്ടുകള്‍ ആരംഭിച്ച് ഇന്ത്യന്‍ വിപണിയുടെ വളര്‍ച്ചയില്‍ ഭാഗഭാക്കാകാന്‍ സാധിക്കുമെന്ന് ജിയോജിത്തിന്റെ വൈസ് പ്രസിഡന്റും ചീഫ് ഡിജിറ്റല്‍ ഓഫീസറുമായ ജോണ്‍സ് ജോര്‍ജ് പറഞ്ഞു.
വിദേശത്ത് താമസിക്കുന്ന എന്‍ആര്‍ഇ, എന്‍ആര്‍ഒ അക്കൗണ്ട് ഉടമകളായ ഇന്ത്യക്കാര്‍ക്കായി സി ഡി എസ് എല്‍ വഴി ട്രേഡിംഗ്, ഡീമാറ്റ് അക്കൗണ്ടുകള്‍ ഓണ്‍ലൈനായി ആരംഭിക്കാനുള്ള സേവനം നല്‍കുന്ന രാജ്യത്തെ പ്രഥമ നിക്ഷേപ സേവന സ്ഥാപനമാണ് ജിയോജിത്. നിലവില്‍, യുഎസിലും കാനഡയിലും ഉള്ള ഇന്ത്യന്‍ പൗരന്‍മാര്‍ക്കു ഈ സൗകര്യം പ്രയോജനപ്പെടുത്താനാകില്ല. ജിയോജിത് ഫിനാന്‍ഷ്യലിന്റെ അനുബന്ധ സ്ഥാപനമായ ജിയോജിത് ടെക്‌നോളജീസ് ആണ് ഓണ്‍ലൈന്‍ അക്കൗണ്ട് ഓപ്പണിംഗ് പ്ലാറ്റ്‌ഫോം വികസിപ്പിച്ചത്.
''സ്റ്റോക്കില്‍ നിക്ഷേപിക്കാന്‍ താല്‍പ്പര്യമുള്ള പ്രവാസി ഇന്ത്യക്കാര്‍ നേരിടുന്ന ഒരു പ്രധാന പ്രശ്നം അക്കൗണ്ട് തുറക്കുന്നതിലെ കാലതാമസമാണ്. ഓഫ്‌ലൈനായി ഒരു ട്രേഡിങ്ങ്, ഡീമാറ്റ് അക്കൗണ്ട് തുറക്കാന്‍ കുറച്ച് ദിവസമെടുക്കും, എന്നാല്‍ എല്ലാ രേഖകളും കയ്യിലുണ്ടെങ്കില്‍ ജിയോജിത്തിന്റെ പ്ലാറ്റ്ഫോമിലൂടെ അനായാസം അക്കൗണ്ട് തുറക്കാനാകും.
നിക്ഷേപ താല്പര്യമുള്ള പ്രവാസികള്‍ക്ക് ഏതാനും ക്ലിക്കുകളിലൂടെ ഇന്ത്യന്‍ ഓഹരി വിപണിയില്‍ നിക്ഷേപം ആരംഭിക്കാം,'ജിയോജിത് ടെക്‌നോളജീസ്എക്‌സിക്യൂട്ടീവ് ഡയറക്ടര്‍ അനില്‍ കുമാര്‍ പറഞ്ഞു. ജിയോജിത്തിന് നിലവില്‍ 11 ലക്ഷത്തിലധികം ഇടപാടുകാരുണ്ട്. 61,000 കോടിയിലധികം രൂപയുടെ ആസ്തി കമ്പനി കൈകാര്യം ചെയ്യുന്നുണ്ട്. എന്‍ആര്‍ഐ ഇടപാടുകാരുടേതായി മാത്രം 6,000 കോടി രൂപയുടെ ആസ്തി കമ്പനി കൈകാര്യം ചെയ്യുന്നു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില്‍ അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്