വാഹന കയറ്റുമതിയില്‍ റെക്കോര്‍ഡ് സ്ഥാപിച്ച് മാരുതി സുസുകി; 20 ലക്ഷം കവിഞ്ഞു
ന്യൂഡല്‍ഹി: വാഹന കയറ്റുമതിയില്‍ റെക്കോര്‍ഡ് സ്ഥാപിച്ച് മാരുതി സുസുകി ഇന്ത്യ. കമ്പനിയുടെ സഞ്ചിത കയറ്റുമതി 20 ലക്ഷം കവിഞ്ഞിരിക്കുന്നു. കമ്പനി തന്നെ ഇക്കാര്യം നേരിട്ട് അറിയിക്കുകയായിരുന്നു. മാരുതി സുസുകി വാഹനങ്ങളായ എസ്പ്രസ്സോ, സ്വിഫ്റ്റ്, വിറ്റാര ബ്രസ്സ എന്നിവയുടെ ഒരു ബാച്ച് ദക്ഷിണാഫ്രിക്കയിലേക്ക് കയറ്റി അയച്ചതോടെയാണ് കമ്പനി ഈ നിര്‍ണായക നേട്ടം കൈവരിച്ചിരിക്കുന്നത്. ഗുജറാത്തിലെ മുന്ദ്ര തുറമുഖം വഴിയാണ് ഈ ബാച്ച് കയറ്റുമതി ചെയ്തിരിക്കുന്നത്.
മാരുതി സുസുകിയുടെ കയറ്റുമതി ചരിത്രത്തിന് 34 വര്‍ഷത്തെ പാരമ്പര്യമുണ്ട്. അന്ന് വാഹന നിര്‍മാണത്തില്‍ ഇന്ത്യ ലോകത്തിന് മുന്നില്‍ ഒന്നുമായിരുന്നില്ല എന്ന് കൂടി ഓര്‍ക്കേണ്ടതുണ്ട്. ഒരുപക്ഷേ, ഈ ചരിത്രം തന്നെയാണ് മാരുതിയ്ക്ക് ഇത്തരമൊരു നേട്ടത്തിന് അവസരമൊരുക്കിയത് എന്നാണ് മാരുതു സുസുകി ഇന്ത്യയുടെ എംഡിയും സിഇഒയും ആയ കെനിച്ചു അയുകാവാ പറയുന്നത്.
ഇന്ന് വാഹന നിര്‍മാണത്തിലും കയറ്റുമതിയിലും മുന്‍നിര കമ്പനികളോട് കിടപിടിക്കുന്നതാണ് മാരുതി സുസുകി ഇന്ത്യയും. 14 മോഡലുകളാണ് നിലവില്‍ കയറ്റുമതി ചെയ്യുന്നത്. അതില്‍ തന്നെ ഏതാണ്ട് 150 ഓളം വേരിയന്റുകള്‍ വരും. നൂറിലേറെ രാജ്യങ്ങളിലേക്കാണ് മാരുതി വാഹനങ്ങള്‍ കയറ്റുമതി ചെയ്യുന്നത്.
മാരുതി സുസുകി ഇന്ത്യയുടെ ഇപ്പോഴത്തെ ശക്തമായ പുതിയ വിപണി ദക്ഷിണാഫ്രിക്കയും ലാറ്റിന് അമേരിക്കയും ആണ്. മുമ്പ്, വികസിത രാജ്യങ്ങളില്‍ നിന്നുള്ള യൂസ്ഡ് കാറുകള്‍ക്കായിരുന്നു ഇവിടങ്ങളില്‍ പ്രിയം. എന്നാല്‍ മാരുതി സുസുകിയുടെ വരവോട് അത് മാറിയിരിക്കുകയാണ്. 1986-1987 കാലഘട്ടത്തിലാണ് മാരുതി സുസുകി വാഹന കയറ്റുമതിയിലേക്ക് കടക്കുന്നത്. വലിയ കയറ്റുമതി നടക്കുന്നത് 1987 ല്‍ ആയിരുന്നു. അന്ന് 500 കാറുകള്‍ ആണ് ഹങ്കറിയിലേക്ക് കയറ്റിയ അയച്ചത്. 1987 സെപ്തംബറില്‍ ആയിരുന്നു ഇത്.
2012-2013 വര്‍ഷത്തിലാണ് പത്ത് ലക്ഷം കാറുകളുടെ കയറ്റുമതി എന്ന റെക്കോര്‍ഡില്‍ മാരുതി സുസുകി എത്തുന്നത്. അതില്‍ അമ്പത് ശതമാനവും യൂറോപ്പിലെ വികസിത രാജ്യങ്ങളിലെ വിപണികളിലേക്കായിരുന്നു. എന്തായാലും എട്ട് വര്‍ഷം പിന്നിടുമ്പോള്‍ മാരുതി സുസുകി 20 ലക്ഷം കയറ്റുമതി എന്ന നാഴികക്കല്ലുകൂടി പിന്നിടുകയാണ്. എട്ട് വര്‍ഷം കൊണ്ട് പത്ത് ലക്ഷം യൂണിറ്റുകളുടെ കയറ്റുമതി എന്നത് ചെറിയ നേട്ടമല്ല. ഇത്തവണ തുണയായത് ആഫ്രിക്കയും ലാറ്റിന് അമേരിക്കയും ഏഷ്യന്‍ രാജ്യങ്ങളും ആണ്. ആള്‍ട്ടോ, ബലേനോ, ഡ്സൈര്‍, സ്വിഫ്റ്റ് എന്നിവയാണ് കയറ്റുമതിയിലെ പ്രിയ മാരുതി മോഡലുകള്‍.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്