ആറ് വര്‍ഷത്തിനിടെ ഇന്ത്യന്‍ റെയില്‍വേ വഴി മാരുതി സുസുക്കി അയച്ചത് 6.7 ലക്ഷത്തിലധികം കാറുകള്‍
ന്യൂഡല്‍ഹി: കഴിഞ്ഞ ആറ് വര്‍ഷത്തിനിടെ 6.7 ലക്ഷത്തിലധികം കാറുകള്‍ ഇന്ത്യന്‍ റെയില്‍വേ വഴി അയച്ചതായി രാജ്യത്തെ ഏറ്റവും വലിയ കാര്‍ നിര്‍മാതാക്കളായ മാരുതി സുസുക്കി ഇന്ത്യ (എംഎസ്ഐ) അറിയിച്ചു. ആദ്യമായി കമ്പനിയുടെ വാഹനങ്ങള്‍ അയച്ചത് 2014 മാര്‍ച്ചിലാണ്. റെയില്‍വേ ഉപയോഗിക്കുന്നതിലൂടെ 3,000 മെട്രിക് ടണ്‍ കാര്‍ബണ്‍ ഡൈ ഓക്‌സൈഡ് പുറന്തള്ളുന്നത് ഒഴിവാക്കാന്‍ കഴിഞ്ഞതായി എംഎസ്ഐ പ്രസ്താവനയില്‍ പറഞ്ഞു.
കൂടാതെ ദേശീയ പാതകളില്‍ ഒരു ലക്ഷത്തിലധികം ട്രക്ക് യാത്രകള്‍ ഒഴിവാക്കാന്‍ കമ്പനിക്ക് കഴിഞ്ഞതിനാല്‍ 100 ദശലക്ഷം ലിറ്റര്‍ ഫോസില്‍ ഇന്ധനവും ലാഭിച്ചു. കഴിഞ്ഞ സാമ്പത്തിക വര്‍ഷത്തില്‍ 1.78 ലക്ഷത്തിലധികം കാറുകള്‍ റെയില്‍ മോഡിലൂടെ അയച്ചു. മുന്‍വര്‍ഷത്തേക്കാള്‍ 15 ശതമാനം വര്‍ധനവാണ് ഉണ്ടായതെന്ന് കമ്പനി പറഞ്ഞു. ഈ വര്‍ഷത്തെ കമ്പനിയുടെ മൊത്തം വില്‍പനയുടെ 12 ശതമാനമാണിത്.
വാഹനങ്ങള്‍ കൊണ്ടുപോകുന്നതിന് റെയില്‍വേ ഉപയോഗിക്കേണ്ടതിന്റെ പ്രാധാന്യത്തെക്കുറിച്ച് എംഎസ്ഐ എംഡിയും സിഇഒയുമായ കെനിചി അയുകാവ പറഞ്ഞു-വര്‍ദ്ധിച്ചുവരുന്ന അളവുകള്‍ കണക്കിലെടുക്കുമ്പോള്‍ വലിയ തോതിലുള്ള ലോജിസ്റ്റിക് പ്രവാഹത്തിന്റെ ആവശ്യകത ടീമിന് അനുഭവപ്പെട്ടു. വിപുലീകരണത്തിനും അപകടസാധ്യത കുറയ്ക്കുന്നതിനും റോഡിനപ്പുറമായി ഒരു രീതി പരീക്ഷിച്ചു.
125 കാറുകള്‍ കൈകാര്യം ചെയ്യാന്‍ ശേഷിയുള്ള സിംഗിള്‍ ഡെക്ക് വാഗണുകള്‍ ഉപയോഗിച്ചാണ് മാരുതി ഈ സംരംഭം ആരംഭിച്ചത്. പിന്നീട് ഇത് 265 കാറുകളുടെ ശേഷിയുള്ള ഡബിള്‍ ഡെക്കര്‍ റേക്കുകളിലേക്ക് മാറ്റി. ഇന്നുവരെ 1.4 ലക്ഷത്തിലധികം കാറുകള്‍ ഈ റേക്കുകളിലൂടെ അയച്ചിട്ടുണ്ട്. മണിക്കൂറില്‍ 95 കിലോമീറ്റര്‍ വേഗതയില്‍ പ്രവര്‍ത്തിപ്പിക്കാന്‍ കഴിയുന്ന 27 റേക്കുകളാണ് കമ്പനി ഇപ്പോള്‍ ഉപയോഗിക്കുന്നത്. ഓരോ റേക്കിനും 318 കാറുകള്‍ ഉള്‍ക്കൊള്ളാനുള്ള ശേഷിയുണ്ട്.
ഓട്ടോമൊബൈല്‍ ഫ്രൈറ്റ് ട്രെയിന്‍ ഓപ്പറേറ്റര്‍ (എ.എഫ്.ടി.ഒ) ലൈസന്‍സ് നേടുന്ന രാജ്യത്തെ ആദ്യത്തെ വാഹന നിര്‍മാതാക്കളാണ് എം.എസ്.ഐ. ഇന്ത്യന്‍ റെയില്‍വേയുടെ ശൃംഖലയില്‍ ഉയര്‍ന്ന വേഗതയുള്ള, ഉയര്‍ന്ന ശേഷിയുള്ള ഓട്ടോ-വാഗണ്‍ റേക്കുകള്‍ നിര്‍മ്മിക്കാനും പ്രവര്‍ത്തിപ്പിക്കാനും ഇത് സ്വകാര്യ സ്ഥാപനങ്ങളെ അനുവദിക്കുന്നു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്