വണ്-മോട്ടോയുടെ ഏറ്റവും പുതിയ ഇലക്ട്രിക് സ്കൂട്ടര് ഇന്ത്യയില് അവതരിപ്പിച്ചു
ബ്രിട്ടീഷ് വാഹന നിര്മാതാക്കളായ വണ്-മോട്ടോയുടെ ഏറ്റവും പുതിയ ഇലക്ട്രിക് സ്കൂട്ടര് ഇലക്റ്റ ഇന്ത്യയില് അവതരിപ്പിച്ചു. പ്രീമിയം സെഗ്മെന്റിലെത്തുന്ന സ്കൂട്ടറിന് 1,99,000 രൂപയാണ് എക്സ് ഷോറും വില. കഴിഞ്ഞ നവംബറില് ഇന്ത്യയില് എത്തിയ വണ്-മോട്ടോയുടെ മൂന്നാമത്തെ മോഡലാണ് ഇലക്റ്റ.
മാറ്റ് ബ്ലാക്ക്, ഷൈനി ബ്ലാക്ക്, ബ്ലൂ, റെഡ്, ഗ്രേ എന്നിങ്ങനെ ആറുനിറങ്ങളില് ഇലക്റ്റ ലഭ്യമാവും. ബാറ്ററി, മോട്ടോര്, കണ്ട്രോളര് എന്നിവയ്ക്ക് മൂന്ന് വര്ഷത്തെ വാറന്റിയും വണ് മോട്ടോ നല്കുന്നുണ്ട്. യുവാക്കളെ ലക്ഷ്യമിട്ടെത്തുന്ന ഇലക്റ്റയുടെ ഉയര്ന്ന സ്പീഡ് മണിക്കൂറില് 85കി.മീ ആണ്. പൂജ്യത്തില് നിന്ന് 3.3 സെക്കന്റുകൊണ്ട് 50 കി.മീ സ്പീഡിലെത്താന് സ്കൂട്ടറിന് സാധിക്കും.
72 V, 45AH ബാറ്ററിയാണ് സ്കൂട്ടറിന് നല്കിയിരിക്കുന്നത്. വേര്പെടുത്താവുന്ന ബാറ്ററി നാല് മണിക്കൂര് കൊണ്ട് പൂര്ണമായും ചാര്ജ് ചെയ്യാം. 10 സെക്കന്റില് ബാറ്ററി മാറ്റിവെയ്ക്കാനാവും എന്നാണ് കമ്പനി പറയുന്നത്. ഒറ്റച്ചാര്ജില് 150 കി.മീറ്റര് ആണ് ദൂരപരിധി. കമ്മ്യൂട്ട, ബൈക്ക എന്നിവയാണ് ഇന്ത്യയില് വണ് മോട്ടോ വില്പ്പനയ്ക്ക് എത്തിച്ചിരിക്കുന്ന മറ്റ് മോഡലുകള്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്