കത്തിക്കയറുന്ന പെട്രോള്‍ വില: ലിറ്ററിന് 85 രൂപ കടന്നു
ഇന്ന് ദേശീയ തലസ്ഥാനത്ത് പെട്രോള്‍ വില ലിറ്റര്‍ 85 രൂപ മറികടന്നു. തുടര്‍ച്ചയായ രണ്ടാം ദിവസവും നിരക്ക് ഉയര്‍ത്തിയതോടെ ഡീസല്‍ വിലയും റെക്കോര്‍ഡ് ഉയരത്തിലെത്തി. എണ്ണ വിപണന കമ്പനികളുടെ വില വിജ്ഞാപന പ്രകാരം ഇന്ന് പെട്രോള്‍, ഡീസല്‍ വിലകള്‍ ലിറ്ററിന് 25 പൈസ വീതം ഉയര്‍ത്തി.
ഡല്‍ഹിയില്‍ പെട്രോള്‍ വില ലിറ്ററിന് 85.20 രൂപയിലും മുംബൈയില്‍ വില 91.80 രൂപയിലും എത്തി. ഡീസല്‍ നിരക്ക് ദേശീയ തലസ്ഥാനത്ത് ലിറ്ററിന് 75.38 രൂപയായി ഉയര്‍ന്നു. മുംബൈയില്‍ എക്കാലത്തെയും ഉയര്‍ന്ന നിരക്കായ 82.13 രൂപയിലെത്തി. സംസ്ഥാനത്ത് ഡീസല്‍ വില സര്‍വകാല റെക്കോഡില്‍ എത്തി. കൊച്ചിയില്‍ പെട്രോളിന് ഇന്ന് 25 പൈസയും ഡീസലിന് 26 പൈസയും കൂടി. പെട്രോള്‍ വില 85.35 ഉം ഡീസല്‍ വില 79.50 രൂപയുമാണ്. തിരുവനന്തപുരത്ത് ഇന്നത്തെ പെട്രോള്‍ വില 87.28 ഉം ഡീസല്‍ വില 81.31 ഉം ആണ്.
സര്‍ക്കാര്‍ ഉടമസ്ഥതയിലുള്ള ഇന്ധന റീട്ടെയിലര്‍മാരായ ഇന്ത്യന്‍ ഓയില്‍ കോര്‍പ്പറേഷന്‍ ലിമിറ്റഡ് (ഐഒസി), ഭാരത് പെട്രോളിയം കോര്‍പ്പറേഷന്‍ ലിമിറ്റഡ് (ബിപിസിഎല്‍), ഹിന്ദുസ്ഥാന്‍ പെട്രോളിയം കോര്‍പ്പറേഷന്‍ ലിമിറ്റഡ് (എച്ച്പിസിഎല്‍) എന്നിവ ജനുവരി ആറിന് ഒരു മാസത്തെ ഇടവേളയ്ക്ക് ശേഷമാണ് ദിവസേനയുള്ള വില പരിഷ്‌കരണം പുനരാരംഭിച്ചിരിക്കുന്നത്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്‍ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്‍ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്‍ക്കാര്‍ കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്