ഒരൊറ്റ ഓഹരിയില്‍ നിന്ന് രാകേഷ് ജുന്‍ജുന്‍വാലയും ഭാര്യയും പ്രതിദിനം നേടിയത് 18.40 കോടി രൂപ!
ഒരൊറ്റ ഓഹരിയില്‍ നിന്ന് രാജ്യത്തെ പ്രമുഖ ഓഹരി നിക്ഷേപകന്‍ രാകേഷ് ജുന്‍ജുന്‍വാലയും ഭാര്യയും ഇന്നലെ വരെ തുടര്‍ച്ചയായി 11 വ്യാപാര ദിനങ്ങളില്‍ ശരാശരി നേടിയത് 18.40 കോടി രൂപ! ഇന്‍ഫ്രാസ്ട്രക്ചര്‍ രംഗത്തെ എന്‍സിസി ലിമിറ്റഡാണ് ഈ നേട്ടം ഇവര്‍ക്ക് സമ്മാനിച്ചത്. ഇന്ന് (ചൊവ്വാഴ്ച) 2.70 ശതമാനം വിലയിടിവ് എന്‍സിസി ഓഹരിയ്ക്കുണ്ടായെങ്കിലും ഇന്നലെ വരെ തുടര്‍ച്ചയായി കയറ്റമായിരുന്നു.
ജനുവരി 29ന് എന്‍സിസിയുടെ വില 58.95 രൂപയായിരുന്നു. ഇന്നലെ അത് 84.80 രൂപയിലെത്തി. ജുന്‍ജുന്‍വാലയ്ക്ക് എന്‍സിസി ലിമിറ്റഡിന്റെ 7.83 കോടി ഓഹരികളും ഭാര്യ രേഖ ജുന്‍ജുന്‍വാലയ്ക്ക് 6.67 കോടി ഓഹരികളുമാണ് കൈവശമുള്ളത്. തുടര്‍ച്ചയായി 11 ദിവസം എന്‍സിസിയുടെ ഓഹരി വില വര്‍ധിച്ചപ്പോള്‍ ജുന്‍ജുന്‍വാല ദമ്പതികളുടെ കൈവശമുള്ള ഓഹരികളുടെ മൂല്യം 664.26 കോടി രൂപയായി. 11 ദിവസം കൊണ്ട് അവര്‍ക്കുണ്ടായ ലാഭം 202.49 കോടി രൂപ. അതായത് ശരാശരി പ്രതിദിന നേട്ടം 18.4 കോടി രൂപ!
ഇന്നലെ വരെ, 11 വ്യാപാര ദിവസത്തിനുള്ളില്‍, എന്‍സിസി ലിമിറ്റഡിന്റെ ഓഹരി വിലയിലുണ്ടായ വര്‍ധന 43.85 ശതമാനമാണ്. കഴിഞ്ഞ ഒരു വര്‍ഷത്തിനിടെ ഓഹരി വില 81.58 ശതമാനം വര്‍ധിച്ചു. ഈ വര്‍ഷാദ്യം മുതലുള്ള പ്രകടനം കണക്കിലെടുത്താല്‍ 47.88 ശതമാനം വില വര്‍ധനയുണ്ടായിട്ടുണ്ട്. എന്‍സിസി ലിമിറ്റഡ് ഓഹരിയുടെ പ്രതിമാസ ശരാശരി വില വര്‍ധന 37.39 ശതമാനമാണ്.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്