ക്രൂഡ് ഓയില്‍ ഇറക്കുമതിക്ക് കാശില്ല; ഇന്ത്യയോട് 500 മില്യണ്‍ ഡോളറിന്റെ വായ്പ ആവശ്യപ്പെട്ട് ശ്രീലങ്ക
കൊളംബോ: ക്രൂഡ് ഓയില്‍ ഇറക്കുമതിക്കായി ഇന്ത്യയോട് 500 മില്യണ്‍ യുഎസ് ഡോളറിന്റെ വായ്പ വാങ്ങാനൊരുങ്ങി ശ്രീലങ്ക. വിദേശനാണ്യ ശേഖരത്തില്‍ വന്‍ കുറവുണ്ടായതോടെയാണ് വായ്പ വാങ്ങാനുള്ള നീക്കം ശ്രീലങ്ക തുടങ്ങിയത്. നിലവില്‍ ജനുവരി വരെ ഉപയോഗിക്കാനുള്ള ഇന്ധനം മാത്രമാണ് കൈവശമുള്ളതെന്ന് ശ്രീലങ്കയുടെ ഊര്‍ജ മന്ത്രി ഉദയ ഗാമന്‍പില വ്യക്തമാക്കിയതിന് പിന്നാലെയാണ് പുതിയ നീക്കം.
ഇന്ത്യ-ശ്രീലങ്ക ഇക്കണോമിക് പാര്‍ട്ണര്‍ഷിപ്പിന്റെ ഭാഗമായി വായ്പ വാങ്ങാനുള്ള ശ്രമങ്ങളാണ് പുരോഗമിക്കുന്നതെന്ന് ശ്രീലങ്ക അറിയിച്ചു. ഇതുമായി ബന്ധപ്പെട്ട് രണ്ട് രാജ്യങ്ങളുടെ ഊര്‍ജ സെക്രട്ടറിമാര്‍ തമ്മില്‍ വൈകാതെ കരാര്‍ ഒപ്പിടും. ശ്രീലങ്കയിലെ പൊതുമേഖ എണ്ണ കമ്പനിയായ സിലോണ്‍ പെട്രോളിയം കോര്‍പ്പറേഷന് രണ്ട് ബാങ്കുകളില്‍ നിന്നായി 3.3 ബില്യണ്‍ ഡോളര്‍ കടം വാങ്ങിയാണ് മുന്നോട്ട് പോകുന്നത്.
സിലോണ്‍ പെട്രോളിയം കോര്‍പ്പറേഷനാണ് ലങ്കയിലേക്കുള്ള എണ്ണ ഇറക്കുമതി നടത്തുന്നത്. കോവിഡിനെ തുടര്‍ന്ന് ടൂറിസം ഉള്‍പ്പടെയുള്ള മേഖലകളില്‍ നിന്നുള്ള വരുമാനം നിലച്ചതോടെ വിദേശനാണ്യ ശേഖരത്തില്‍ വലിയ ഇടിവാണ് ശ്രീലങ്കയില്‍ അനുഭവപ്പെടുന്നത്. രാജ്യത്തിന്റെ ജി.ഡി.പിയും വലിയ രീതിയില്‍ കുറഞ്ഞിരുന്നു.
Related Articles
-
ആറുമാസം മുൻപ് ഒരു ബിറ്റ് കോയിന്റെ വില 68,000 ഡോളർ; ഇന്നലെ 23,000 ഡോളർ; ക്രിപ്റ്റ -
പൊതുജനങ്ങൾക്ക് ഓഹരി നിക്ഷേപ പാഠങ്ങളുമായി ധനമന്ത്രാലയം; രജിസ്ട്രേഷൻ ആരംഭിച്ചു -
റിപ്പോ നിരക്കും കരുതല് ധനാനുപാതവും ഉയര്ത്തി റിസര്വ് ബാങ്ക് -
സംസ്ഥാനത്ത് ഇന്ന് സ്വര്ണ വില ഉയര്ന്നു -
അനില് അംബാനിക്ക് വിദേശത്ത് കോടികളുടെ നിക്ഷേപം; ഞെട്ടിപ്പിക്കുന്ന വെളിപ്പെടുത്തല -
രാജ്യത്തെ പലിശ നിരക്കുകള് ഉയരും; സര്ക്കാര് കടപ്പത്ര ആദായത്തില് കുതിപ്പ് -
ഐഡിബിഐ ബാങ്കിനെ സ്വകാര്യ ബാങ്കുകളുമായി ലയിപ്പിച്ചേക്കും -
വായ്പാ നിരക്ക് വര്ധിപ്പിച്ച് എച്ച്ഡിഎഫ്സി ബാങ്ക്; ഇന്ന് മുതല് പ്രാബല്യത്തില്