പാന്‍കാര്‍ഡോ ആധാര്‍കാര്‍ഡോ ഇനിയില്ലെങ്കില്‍ പലരും കുടുങ്ങേണ്ടി വരും. പാന്‍കാര്‍ഡോ, ആധാകാര്‍ഡോ തൊഴില്‍ ഉടമയ്ക്ക് നല്‍കിയില്ലെങ്കില്‍ പിഴയായി ഇനി അധിക നികുതി ഈടാക്കിയേക്കുമെന്നാണ് വിവിധ വാര്‍ത്താ ഏജന്‍സികള്‍ ഇപ്പോള്‍ റിപ്പോര്‍ട്ട് ചെയ്യുന്നത്. അതായത് ശമ്പളത്തില്‍ 20 ശതമാനം ആദായനികുതി ഈടാക്കുമെന്നാണ് വാര്‍ത്താ ഏജന്‍സികള്‍ റിപ്പോര്‍ട്ട് ചെയ്യുന്നത്.
എന്നാല്‍ പാന്‍കാര്‍ഡ് നല്‍കിയില്ലെങ്കിലായിരുന്ന 20 ശതമാനം ടിഡിഎസ് ഈടാക്കിയിരുന്നത്. ഇതിലാണിപ്പോള്‍ കൂടുതല്‍ മാറ്റം വരുത്തിയിരിക്കുന്നത്. എന്നാല്‍ പ്രത്യക്ഷ നികുതി വകുപ്പ് ബോര്‍ഡ് ഏറ്റവും പുതി സര്‍ക്കുലറിലാണ് ആധാരും പാന്‍കാര്‍ഡും നിര്‍ബന്ധമാക്കിയുള്ള വിവരം പുറത്ത് വിട്ടിട്ടുള്ളത്. ആദായ നികുതി പരിധിക്കുതാഴെയാണെങ്കില്‍ ആധാര്‍ നല്‍കിയില്ലെങ്കിലും ഉപഭോക്താക്കളില്‍ ടിഡിഎസ് ഈടാക്കിയേക്കില്ലെന്നാണ് വാര്‍ത്താ ഏജന്‍സികള്‍ റിപ്പോര്‍ട്ട് ചെയ്യുന്നത്.
അതേസമയം പാന്‍ ഇല്ലാത്തവര്‍ ആധാര്‍ നമ്പര്‍ നല്‍കിയാല്‍മതിയെന്ന് കഴിഞ്ഞ ബജറ്റില്‍ നിയമം ഭേദഗതിചെയ്തിരുന്നു. ഇങ്ങനെ ആധാര്‍ നമ്പര്‍ നല്‍കുന്നവര്‍ക്ക് നികുതിവകുപ്പ് പെര്‍മെന്റ് അക്കൗണ്ട് നമ്പര്‍ അപേക്ഷിക്കാതെ തന്നെ നല്‍കിയിരുന്നു. ഇതിലാണിപ്പോള്‍ കൂടുതല്‍ മാറ്റം വരുത്തിയിട്ടുള്ളത്.
