മുംബൈ:നാഷണല് സ്റ്റോക്ക് എക്സ്ചെയ്ഞ്ച് ചെയര്മാന് അശോക് ചൗള രാജിവെച്ചു.എയര്സെല് മാക്സിസ് കേസുമായി ബന്ധപ്പെട്ട് നിയമ നടപടികള്ക്ക് വിധേയമായതിന്റെ സാഹചര്യത്തിലാണ് രാജി. എയര്സെല് മാക്സിസ് കേസില് അന്വേഷണം നടത്താന് പ്രത്യേക സിബിഐ കോടതി കഴിഞ്ഞ ദിവസം ഉത്തരവിട്ടിരുന്നു. ഇതേ തുടര്ന്നാണ് ചൗള രാജിവെക്കുന്നത്. കേസില് അഞ്ച് പേര്ക്കെതിരെയാണ് അന്വേഷണം നടത്താന് കോടതി ഉത്തരവിട്ടിട്ടുള്ളത്. കേസില് അശോക് ചൗള ഉള്പ്പെടെയുള്ളവരെ വിസ്തരിക്കാനും കോടതി അനുമതി നല്കി. 2016 ലാണ് അശോക് ചൗള എന്സ്ഇയുടെ ചെയര്മാന് സ്ഥാനം ഏറ്റെടുക്കുന്നത്.
മുന് ധനമന്ത്രി പി ചിദംബരം അടക്കമുള്ളവര് ഈ കേസില് പ്രതിചേര്ക്കപ്പെട്ടിട്ടുണ്ട്. 600 കോടി രൂപയുടെ അഴിമതി നടത്തിയെന്നാണ് ആരോപണം. അശോക് ചൗളയുടെ രാജി രാജ്യത്ത് കൂടുതല് ചര്ച്ച ചെയ്യപ്പെടുമെന്നുറപ്പാണ്. മുന് ധനമന്ത്രി പി ചിദംബരം അടക്കക്കമുള്ളവര് ഈ കേസില് പ്രതി ചേര്ക്കപ്പെട്ടതിനാലാണ് കേസ് കൂടുതല് ചര്ച്ച ചെയ്യപ്പെടാന് പോകുന്നത്. ചിദംബരം ധനമന്ത്രിയായിരിക്കെ ചട്ടങ്ങള് മറികടന്ന് എയര്സെല് കമ്പനിക്ക് 600 കോടി രൂപയുടെ വിദേശ നിക്ഷേപം സ്വീകരിക്കാന് അനുതി നല്കിയെന്നാണ് ആരോപണം. ഈ കേസിലാണ് ചൗളയടക്കമുള്ള ഉന്നത ഉദ്യോഗസ്ഥര് പ്രതി ചേര്ക്കപ്പെട്ടിട്ടുള്ളത്. ചിദംബരത്തിന്റെ മകനും കേസില് പ്രതിചേര്ക്കപ്പെട്ടിട്ടുണ്ട്.
