മുംബൈ: പൊതുമേഖലാ ടെലികോം കമ്പനികളായ ബിഎസ്എന്എലിന്റെയും എംടിഎന്എലിന്റെയും ഭൂമി ഉള്പ്പെടെയുള്ള ആസ്തികള് വില്ക്കുന്നതിന്റെ ഭാഗമായി കേന്ദ്ര നിക്ഷേപ, പൊതു ആസ്തി കൈകാര്യവകുപ്പ് (ദീപം) കണ്സള്ട്ടന്റുകളെ നിയോഗിച്ചു. കോവിഡ് പ്രതിസന്ധികള്ക്കിടെ ആസ്തികള് വില്ക്കുന്നത് എത്രമാത്രം പ്രായോഗികമാണെന്നും അവയുടെ മൂല്യം കണക്കാക്കുന്നതിനുമാണ് ഇതിലൂടെ കേന്ദ്രസര്ക്കാര് ലക്ഷ്യമിടുന്നത്.
സി.ബി.ആര്.ഇ., ജെ.എല്.എല്., നൈറ്റ് ഫ്രാങ്ക് എന്നീ സ്ഥാപനങ്ങളെയാണ് ഇതിനായി നിയോഗിച്ചത്. ഈമാസം അവസാനത്തോടെ കന്പനികള് റിപ്പോര്ട്ട് കൈമാറും. ഇരുകമ്പനികളുടെയും ആസ്തികള് വില്ക്കുന്നതിലൂടെ ഏകദേശം 37,500 കോടി രൂപ ലഭിക്കുമെന്നാണ് സര്ക്കാര് കണക്കുകൂട്ടുന്നത്.
