ബെയ്ജിങ്: ചൈനയുടെ ബെല്റ്റ് റോഡ് യാഥാര്ത്ഥ്യമാക്കുന്നതിന് വേണ്ടി പ്രത്യേക ഉച്ചകോടി ഈ ആഴ്ച തന്നെ ഉണ്ടാകും. അന്താരാഷ്ട്ര തലത്തില് ഏറ്റവും കൂടുതല് എതിര്പ്പുകളുള്ള ഒരു പദ്ധതി നടപ്പിലാക്കാന് ചൈന ഇപ്പോള് നടത്തുന്ന ശ്രമങ്ങള് ചെറുതൊന്നുമല്ല. ബെല്റ്റ് റോഡ് ഉച്ചകോടിയില് പങ്കെടുക്കാന് വേണ്ടി 37 രാജ്യങ്ങളിലെ പ്രമുഖ നേതാക്കള് ചൈനയുടെ തലസ്ഥാന നഗരിയില് എത്തുമെന്നാണ് സൂചന. ഏപ്രില് 25 മുതല് 27 വരെ ചൈനയുടെ തലസ്ഥാന നഗരിയായ ബെയ്ജിങിലാണ് ബെല്റ്റ് റോഡ് സമ്മിറ്റ് നടക്കാന് പോകുന്നത്.
ബെല്റ്റ് റോഡ് പദ്ധതി യാഥാര്ത്ഥ്യമാക്കുക ചൈനീസ് പ്രസിഡന്റ് ഷിജി പിംഗിന്റെ സ്വപ്നം കൂടിയാണ്. ആ നിലക്ക് ലോക രാജ്യങ്ങളെ തങ്ങളുടെ താത്പര്യങ്ങള്ക്കനുസരിച്ച് നിര്ത്തുകയെന്നത് ചൈനയുടെ പ്രധാന ആവശ്യമാണ്. അതേസമയം ചൈനയുടെ ബെല്റ്റ് റോഡ് ഉച്ചകോടി ഇന്ത്യ ബഹിഷ്കരിച്ചെന്നാണ് വിവരം. ചൈനയുടെ ബെല്റ്റ് റോഡ് പദ്ധതി ഇന്ത്യക്ക് കടുത്ത വെല്ലുവിളി ഉയര്ത്തുമെന്നാണ് സാമ്പത്തിക വിദഗ്ധര് ഒന്നടങ്കം വിലയിരുത്തിയിട്ടുള്ളത്.
ഏഷ്യയെയും യൂറോപ്പിനെയും ബന്ധിപ്പിച്ചുള്ള ഈ പദ്ധതി നടപ്പിലാക്കിയാല് ചെറു രാജ്യങ്ങള്ക്ക് സാമ്പത്തിക തളര്ച്ചയുണ്ടാകുമെന്നാണ് അമേരിക്ക അടക്കമുള്ള രാജ്യങ്ങളുടെ വിമര്ശനം. നിരവധി രാജ്യങ്ങളെയാണ് ചൈന ബെല്റ്റ് റോഡ് പദ്ധതി യാഥാര്ത്ഥ്യമാക്കാന് കൂട്ടുപിടിച്ചിട്ടുള്ളത്. ആ നിലക്ക് അമേരിക്ക ചൈനയുടെ ബെല്റ്റ് റോഡ് പദ്ധതിയെ നിശിതമായി വിമര്ശിക്കുകയും ചെയ്യുന്നുണ്ട്.
സാമ്പത്തിക സഹകരണമോ, രാഷ്ട്രങ്ങളുടെ പുരോഗതിയോ അല്ല ചൈന ഇതിലൂടെ ലക്ഷ്യമിടുന്നതെന്നും രാഷ്ട്രീയ സ്വാധിനവും അധികാരവുമാണ് ചൈന ബെല്റ്റ് റോഡ് പദ്ധതി നടപ്പിലാക്കുന്നതിലൂടെ ലക്ഷ്യമിടുന്നതെന്നാണ് ചൈനക്കെതിരെ ഉയര്ന്നുവരുന്ന ആക്ഷേപം. ഇന്ത്യയുടെ പരമാധികാരത്തിന് പോലും കടുത്ത വെല്ലുവിളിയാണ് ബെല്റ്റ് റോഡ് പദ്ധതിയെന്നാണ് രാഷ്ട്രീയ നിരീക്ഷകര് ഒന്നടങ്കം വിലയിരുത്തുന്നത്. വികസ്വര രാജ്യങ്ങളെ കൂട്ട് പിടിച്ച് അവര്ക്ക് കഴിയാത്തവിധം നിക്ഷേപം വാഗ്ദാനം ചെയ്ത് കടക്കെണിയിലേക്ക് തള്ളിവിട്ട് തങ്ങളുടെ താത്പര്യങ്ങള്ക്കൊപ്പം നിര്ത്താനുള്ള ശ്രമമാണ് ചൈന ഇപ്പോള് നടത്തുന്നത്. ആ നിലക്ക് ചൈനയുടെ ഈ നീക്കത്തെ അമേരിക്കയും ഇന്ത്യയും വളരെ കരുതലോടെയാണ് കാണുന്നത്.
