നിക്ഷേപകര് വന്തോതില് പണം പിന്വലിച്ചതിനെ തുടര്ന്ന് പ്രതിസന്ധിയിലായി പ്രവര്ത്തനം മരവിപ്പിച്ച ഫ്രാങ്ക്ളിന് ടെംപിള്ടണിന്റെ ആറു ഫണ്ടുകളിലായി ഇതുവരെ 8,262 കോടി രൂപ തിരിച്ചെത്തി. സെപ്റ്റംബര് 16നും 30നുമിടയില് 1,078 കോടിയുടെ നിക്ഷേപമാണ് ഫണ്ടുകള്ക്ക് സമാഹരിക്കാനായത്.
ഇതോടെ ഫ്രാങ്ക്ളിന് ഇന്ത്യ അള്ട്രെ ഷോര്ട്ട് ടേം ബോണ്ട് ഫണ്ടില് 40ശതമാനവും ഫ്രാങ്ക്ളിന് ഇന്ത്യ ഡൈനാമിക് ആക്യുറല് ഫണ്ടിലും ഫ്രാങ്ക്ളിന് ഇന്ത്യ ലൊ ഡ്യൂറേഷന് ഫണ്ടിലും 19ശതമാനംവീതവും ക്രഡിറ്റ് റിസ്ക് ഫണ്ടില് നാല് ശതമാനവും പണം മിച്ചമായി. കര്ണാടക ഹൈക്കോടതിയുടെ പരിഗണനയിലുള്ള ഹര്ജികള് തീര്പ്പാകുന്നമുറയ്ക്ക് നിക്ഷേപകര്ക്ക് പണം വീതിച്ചുനല്കുമെന്ന് കമ്പനി അറിയിച്ചു. കഴിഞ്ഞ ഏപ്രില് 23നാണ് ആറു ഫണ്ടുകളുടെയും പ്രവര്ത്തനം ഫണ്ട് ഹൗസ് താല്ക്കാലികമായി മരവിപ്പിച്ചത്. മൂന്നുലക്ഷത്തോളം പേരാണ് ഈഫണ്ടുകളില് നിക്ഷേപം നടത്തിയിട്ടുള്ളത്.
