മുതിര്ന്ന പൗരന്മാര്ക്ക് ട്രെയിന് ടിക്കറ്റില് ഇളവ് നല്കാന് ഇന്ത്യന് റെയില്വേ. അറുപത് വയസ് പ്രായമുള്ള പുരുഷന്മാര്ക്കും 58 വയസ് പ്രായമുള്ള സ്ത്രീകള്ക്കും യാത്രാടിക്കറ്റില് ഇളവ് നല്കാനാണ് തീരുമാനം. മെയില്,എക്സ്പ്രസ്,രാജധാനി,ശതാബ്ദി, ജനശതാബ്ദി,തുരന്തോ തുടങ്ങിയ ട്രെയിന് ടിക്കറ്റുകളിലാണ് ഇളവ് ലഭിക്കുക.
സ്ത്രീകള്ക്ക് അമ്പത് ശതമാനവും പുരുഷന്മാര്ക്ക് നാല്പത് ശതമാനവും നിരക്കിളവ് ലഭിക്കും. ഈ യാത്രികര് പ്രായം തെളിയിക്കാനുള്ള രേഖകള് യാത്രയില് കൈവശം കരുതേണ്ടതാണ്. ടിക്കറ്റ് ബുക്ക് ചെയ്യുമ്പോള് തന്നെ സീനിയര് സിറ്റിസണ് എന്ന കണ്സര്ഷന് ടിക്കറ്റിലേക്ക് നല്കുകയാണ് വേണ്ടത്. ടിക്കറ്റ് കണ്സഷന് ഓപ്ഷന് നല്കാതെ ബുക്ക് ചെയ്ത ടിക്കറ്റ് വീണ്ടും എഡിറ്റ് ചെയ്ത് കണ്സഷനാക്കാന് സാധിക്കുന്നതല്ലെന്നും ട്രെയിന് ടിക്കറ്റ് എടുത്തശേഷം കണ്സഷന് തുക മടക്കി നല്കില്ലെന്നും റെയില്വേ അധികൃതര് വ്യക്തമാക്കി.
