കൊച്ചി: സംസ്ഥാനത്ത് സ്വര്ണ വിലയില് തുടര്ച്ചയായ രണ്ടാം ദിവസവും ഇടിവ്. പവന് 280 രൂപയാണ് ഇന്നു താഴ്ന്നത്. ഒരു പവന് സ്വര്ണത്തിന്റെ വില 35,760 രൂപ. ഗ്രാം വില 35 രൂപ കുറഞ്ഞ് 4470 ല് എത്തി. രണ്ടു ദിവസം കൊണ്ട് പവന് 840 രൂപയാണ് കുറഞ്ഞത്. മൂന്നു ദിവസമായി മാറ്റമില്ലാതെ തുടര്ന്ന സ്വര്ണ വില ഇന്നലെ 560 രൂപ കുറഞ്ഞിരുന്നു. ഈ മാസം ആദ്യ ആഴ്ചയില് സ്വര്ണ വില 35,640ല് എത്തിയിരുന്നു. ഇതാണ് മാസത്തെ കുറഞ്ഞ വില. തുടര്ന്ന വര്ധന രേഖപ്പെടുത്തിയ വില മാസത്തിന്റെ മധ്യത്തില് 36,920 രൂപ വരെ എത്തിയിരുന്നു.
