സംസ്ഥാനത്ത് സ്വര്‍ണ വില പവന് 160 രൂപ കുറഞ്ഞ് 36,720 രൂപയായി. ഗ്രാമിന് 20 രൂപ കുറഞ്ഞ് 4590 രൂപയുമായി. കഴിഞ്ഞ ദിവസം പവന്റെ വില 36,480 രൂപയില്‍ നിന്ന് 36,880 രൂപയായി കൂടിയിരുന്നു. ആഗോള വിപണിയില്‍ നാലുമാസത്തെ ഉയര്‍ന്ന നിലവാരത്തിലെത്തിയ ശേഷം സ്വര്‍ണ വിലയില്‍ നേരിയ തോതില്‍ ഇടിവുണ്ടായി.
ഔണ്‍സിന് 1,894.88 ഡോളര്‍ ആയി കുറഞ്ഞു. യുഎസ് ഡോളറിന്റെ മുന്നേറ്റവും ബോണ്ട് ആദായത്തിലെ വര്‍ധനവുമാണ് വില വര്‍ധനവിന് തടയിട്ടത്. രാജ്യത്തെ കമ്മോഡിറ്റി വിപണിയിലും വിലകുറവുണ്ടായി. എംസിഎക്സില്‍ 10 ഗ്രാം 24 കാരറ്റ് സ്വര്‍ണ വില 48,783 നിലവാരത്തിലാണ് വ്യാപാരം നടക്കുന്നത്.
