കേരളത്തില്‍ സ്വര്‍ണ വിലയില്‍ ഇന്ന് ഇടിവ് രേഖപ്പെടുത്തി. പവന് 80 രൂപ കുറഞ്ഞ് 37280 രൂപയ്ക്കാണ് ഇന്ന് വ്യാപാരം പുരോഗമിക്കുന്നത്. ഗ്രാമിന് 4660 രൂപയാണ് ഇന്നത്തെ നിരക്ക്. സെപ്റ്റംബര്‍ 24ന് രേഖപ്പെടുത്തിയ പവന് 36720 രൂപയാണ് കേരളത്തില്‍ സ്വര്‍ണത്തിന് കഴിഞ്ഞ രണ്ടര മാസത്തിനിടയില്‍ രേഖപ്പെടുത്തിയ ഏറ്റവും കുറഞ്ഞ വില.
ഇന്ന് ഇന്ത്യന്‍ വിപണികളില്‍ സ്വര്‍ണ്ണത്തിന്റെയും വെള്ളിയുടെയും വില ഇടിഞ്ഞു. എംസിഎക്സിലെ ഡിസംബറിലെ സ്വര്‍ണ്ണ ഫ്യൂച്ചര്‍ 10 ഗ്രാമിന് 0.06 ശതമാനം ഇടിഞ്ഞ് 50,305 രൂപയിലെത്തി. സില്‍വര്‍ ഫ്യൂച്ചേഴ്‌സ് 0.25 ശതമാനം ഉയര്‍ന്ന് കിലോയ്ക്ക് 60,055 രൂപയിലെത്തി. കഴിഞ്ഞ സെഷനില്‍ സ്വര്‍ണം 0.6 ശതമാനം ഇടിഞ്ഞപ്പോള്‍ വെള്ളി 4 ശതമാനം അഥവാ 2,500 രൂപ ഇടിഞ്ഞിരുന്നു. ഓഗസ്റ്റ് 7ന് സ്വര്‍ണ വില ഏറ്റവും ഉയര്‍ന്ന നിരക്കായ 56,200 രൂപ വരെ എത്തിയിരുന്നു. ഓഗസ്റ്റിലെ ഏറ്റവും ഉയര്‍ന്ന നിരക്കായ 80,000 ഡോളറില്‍ നിന്നാണ് വെള്ളി വില കുത്തനെ കുറഞ്ഞത്.
ആഗോള വിപണികളില്‍, സ്വര്‍ണ്ണ വിലയില്‍ ഇന്ന് കാര്യമായ മാറ്റമൊന്നും സംഭവിച്ചിട്ടില്ല. സ്‌പോട്ട് സ്വര്‍ണം ഔണ്‍സിന് 1,884.67 ഡോളറാണ് നിരക്ക്. വിലയേറിയ മറ്റ് ലോഹങ്ങളില്‍ വെള്ളി വില ഔണ്‍സിന് 0.2 ശതമാനം ഉയര്‍ന്ന് 23.25 ഡോളറായും പ്ലാറ്റിനം 0.4 ശതമാനം ഉയര്‍ന്ന് 891.95 ഡോളറായും പല്ലേഡിയം 0.2 ശതമാനം ഉയര്‍ന്ന് 2,309.07 ഡോളറായും ഉയര്‍ന്നു.
യുഎസ് ഉത്തേജക പദ്ധതി, ഇയു-യുകെ ബ്രെക്‌സിറ്റ് ചര്‍ച്ചകള്‍, പ്രധാന സമ്പദ്വ്യവസ്ഥകളില്‍ നിന്നുള്ള സാമ്പത്തിക റിപ്പോര്‍ട്ട് എന്നിവ പോലുള്ള നിരവധി ഘടകങ്ങള്‍ സ്വര്‍ണ വിലെ സ്വാധീനിക്കുന്നുണ്ട്. വെള്ളി വില സമീപകാലത്തെ ഏറ്റവും താഴ്ന്ന നിലയില്‍ നിന്ന് ഉയര്‍ന്നു. ചൈനയിലും ആഗോളതലത്തിലും വ്യാവസായിക പ്രവര്‍ത്തനങ്ങള്‍ വര്‍ദ്ധിക്കുന്നതിനിടയില്‍ വ്യാവസായിക ആവശ്യകതയെക്കുറിച്ചുള്ള മെച്ചപ്പെട്ട കാഴ്ചപ്പാട് വൈറ്റ് മെറ്റലിന് ഗുണം ചെയ്തുവെന്ന് നിരീക്ഷകര്‍ പറയുന്നു.
ഇന്ത്യന്‍ വിപണിയില്‍ സ്വര്‍ണം ഈ ആഴ്ച ആദ്യം 49,500 രൂപയ്ക്ക് താഴെ എത്തിയിരുന്നു. എന്നാല്‍ യുഎസ് ഡോളര്‍ സൂചിക സമീപകാലത്തെ ഏറ്റവും ഉയര്‍ന്ന നിരക്കുകളില്‍ നിന്ന് പിന്നോട്ട് പോയതിനാല്‍ വീണ്ടും സ്വര്‍ണ വില ഉയരാന്‍ സാധ്യതയുണ്ട്. പണപ്പെരുപ്പത്തിനും കറന്‍സി മൂല്യത്തകര്‍ച്ചയ്ക്കും എതിരായ ഒരു വേലിയായിട്ടാണ് സ്വര്‍ണ്ണത്തെ കാണുന്നത്. അടുത്തിടെയുള്ള വില ഇടിവുകള്‍ക്കിടയിലും ഈ വര്‍ഷം ഇതുവരെ സ്വര്‍ണ വില 24% നേട്ടമുണ്ടാക്കി.
