പ്രമുഖ സ്വകാര്യ ബാങ്കായ എച്ച്ഡിഎഫ്സിയുടെ നാലാം പാദത്തിലെ അറ്റാദായത്തില്‍ 18.17 ശതമാനം വര്‍ധന. 8,186.51 കോടി രൂപയാണ് മാര്‍ച്ച് പാദത്തിലെ ബാങ്കിന്റെ ലാഭം. മുന്‍വര്‍ഷം ഇതേപാദത്തില്‍ 6,927.69 കോടി രൂപയായിരുന്നു അറ്റാദായം. പലിശ വരുമാനം 12.60 ശതമാനം വര്‍ധിച്ച് 17,120.15 കോടി രൂപയായി.
പലിശേതര വരുമാനം 25.88 ശതമാനം വര്‍ധിച്ച് 7,593.91 കോടി രൂപയുമായി. നിഷ്‌ക്രിയ ആസ്തി 1.26 ശതമാനത്തില്‍ നിന്ന് 1.32 ശതമാനമായി വര്‍ധിക്കുകയും ചെയ്തു. എച്ച്ഡിഎഫ്സി ബാങ്കിന്റെ ഓഹരി 1,428.45 രൂപയിലാണ് ബിഎസ്ഇയില്‍ വെള്ളിയാഴ്ച ക്ലോസ് ചെയ്തത്.
