ദില്ലി: സ്വര്ണം,വെള്ളിലോഹങ്ങളുടെ ഇറക്കുമതിക്ക് നിയന്ത്രണം ഏര്പ്പെടുത്തി കേന്ദ്രസര്ക്കാര്. ആഭ്യന്തരതലത്തില് സ്വര്ണം ചരക്ക്നീക്കം ശക്തിപ്പെടുത്തുന്നതിന്റെ ഭാഗമായാണ് പുതിയ നിയന്ത്രണം കൊണ്ടുവരുന്നത്.സ്വര്ണത്തിന്റെ ആഭ്യന്തരതലത്തില് ചരക്ക്നീക്കം ശക്തിപ്രാപിക്കുന്നതിന്റെ പശ്ചാത്തലത്തില് സ്വര്ണത്തിന്റെയും വെള്ളിയുടെയും ഇറക്കുമതിക്ക് നിയന്ത്രണം ഏര്പ്പെടുത്തിയിരിക്കുകയാണ് കേന്ദ്രസര്ക്കാര്.ഡയറക്ടറേറ്റ് ജനറല് ഓഫ് ഫോറിന് ട്രേഡ് പുറത്തിറക്കിയ വിജ്ഞാപന പ്രകാരം സ്വര്ണമോ വെള്ളിയോ ഏതെങ്കിലും രൂപത്തില് ഇറക്കുമതി ചെയ്യുന്നത് 'ഇന്ഡിപെന്റന്റ്' എന്നത് നിയന്ത്രിതം എന്ന ടാഗിലേക്ക് മാറ്റിയിട്ടുണ്ട്.
ആര്ബിഐയോ ഡിജിഎഫ്ടിയോ അംഗീകാരം നല്കിയ ഏജന്സികളിലൂടെ മാത്രമേ സ്വര്ണം,വെള്ളി ഇറക്കുമതി അനുവദിക്കുകയുള്ളൂവെന്നും കേന്ദ്രസര്ക്കാര് വിജ്ഞാപനം ഉറപ്പുവരുത്തിയിട്ടുണ്ട്. അതേസമയം ആഭരണകയറ്റുമതി സ്ഥാപനങ്ങള് വിദേശത്തെ വാങ്ങലുകാരില് നിന്ന് മുന്കൂര് അനുമതിയുടെ അടിസ്ഥാനത്തില് നേരിട്ട് സ്വര്ണം ഇറക്കുമതി ചെയ്യുന്നതിന് നിയന്ത്രണങ്ങളില് ഇളവ് നല്കിയിട്ടുണ്ട്. സ്വര്ണഇറക്കുമതി വലിയ രീതിയില് വര്ധിച്ച സാഹചര്യത്തിലാണ് സര്ക്കാരിന്റെ നടപടി. നവംബറില് സ്വര്ണഇറക്കുമതി 6.59 % ഉയര്ന്ന് 2.94 ബില്യണ് ഡോളറായിട്ടുണ്ട്. 2018ല് നവംബറില് 2.76 ബില്യണ് ഡോളറായിരുന്നു.
