ന്യൂഡല്‍ഹി: ഇന്ത്യയുടെ വളര്‍ച്ചാ നിരക്ക് നടപ്പുവര്‍ഷം കുറയുമെന്ന് അന്താരാഷ്ട്ര നാണയനിധിയുടെ വിലയിരുത്തല്‍. നടപ്പുവര്‍ഷം ഇന്ത്യയുടെ വളര്‍ച്ചാ നിരക്ക് 6.1 സതമാനമായി വെട്ടിക്കുറച്ചിരിക്കുകയാണ് ഐഎംഎഫ്. വളര്‍ച്ചയില്‍ ഭീമമായ ഇടിവ് രേഖപ്പെടുത്തുമെന്നാണ് ഐഎംഎഫ് ഇപ്പോള്‍ വ്യക്തമാക്കിയത്. നേരത്തെ ഐഎംഎഫ് ഏഴ് ശതമാനം വളര്‍ച്ചാ നിരക്കായിരുന്നു കണക്കാക്കിയത്. ഇന്ത്യയില്‍ സാമ്പത്തിക മാന്ദ്യം ശക്തമാണെന്ന അഭാപ്രായം തന്നെയാണ് ഐഎംഎഫും ഇപ്പോള്‍ മുന്നോട്ടുവെക്കുന്നത്.
അതേസമയം 2020 ല്‍ ഇന്ത്യയുടെ വളര്‍ച്ചാ നിരക്ക് ഏഴ് ശതമാനത്തിലേക്ക് ചുരുങ്ങുമെന്നാണ് ഐഎംഫ് വ്യക്തമാക്കി. നടപ്പുവര്‍ഷം ഇന്ത്യ പ്രതീക്ഷിച്ച വളര്‍ച്ച കൈവരിക്കില്ലെന്നാണ് സാമ്പത്തിക വിദഗ്ധരും, ആഗോള തലത്തില്‍ പ്രവര്‍ത്തിക്കുന്ന റേറ്റിങ് ഏജന്‍സികളും നിലവില്‍ വിലയിരുത്തിയിട്ടുള്ളത്. വേള്‍ഡ് ബാങ്ക് ഇന്ത്യയുടെ വളര്‍ച്ചാ നിരക്കായി കണക്കാക്കിയത് ആറ് ശതമനമാണ്. ഏഷ്യന് ഡിവലപ്‌മെന്റ് ബാങ്കിന്റെ പ്രവചനം ഇന്ത്യ നടപ്പുവര്‍ഷം 6.5 ശതമാനം മാത്രമാണ് വളര്‍ച്ച മാത്രമേ കൈവരിക്കൂ. അതേസമയം റിസര്‍വ്വ് ബാങ്ക് ഓഫ് ഇന്ത്യ വളര്‍ച്ചാ നിരക്കായി കണക്കാക്കിയത് 6.1 ശതമാനം മാത്രമാണ്. മാന്ദ്യം ശക്തമായതിനെ തുടര്‍ന്ന് ആര്‍ബിഐ നാല് തവണയാണ് റിപ്പോ നിരക്ക് വെട്ടിക്കുറച്ചത്. റേറ്റിങ് ഏജന്‍സിയായ മൂഡിസ് ഇന്ത്യയുടെ വളര്‍ച്ചാ നിരക്കായി കണക്കാക്കിയത് 5.8 ശതമാനം മാത്രമാണ്. നിലവിലെ സാഹചര്യത്തില്‍ ഇന്ത്യയുടെ വളര്‍ച്ചാ നിരക്ക് ഏഴ് ശതമാനത്തിന് താഴെയാണ് പലരും വിലയിരുത്തിയിട്ടുള്ളത്.
ജൂണിലവസാനിച്ച ഒന്നാം പാദത്തിലും ഇന്ത്യയുടെ വളര്‍ച്ചാ നിരക്കില്‍ ഭീമമായ ഇടിവാണ് രേഖപ്പെടുത്തിയിട്ടുള്ളത്. ഉപഭോഗ മേഖലയിലും നിക്ഷേപ മേഖലയിലും വലിയ തളര്‍ച്ചയാണ് ഇപ്പോള്‍ രൂപപ്പെട്ടിട്ടുള്ളത്. കാര്‍ഷിക നിര്‍മ്മാണ, തൊഴില്‍ മേഖലയിലെ വളര്‍ച്ചയിലടക്കം ഭീമമായ ഇടിവാണ് രൂപപ്പെട്ടിട്ടുള്ളത്.ജൂണ്‍ 30 ന് അവസാനിച്ച ഒന്നാം പാദത്തില്‍ ഇന്ത്യയുടെ വളര്‍ച്ചാ നിരക്ക് അഞ്ച് ശതമാനത്തിലേക്ക് ചുരുങ്ങിയെന്നാണ് റിപ്പോര്‍ട്ട്. ആറ് വര്‍ഷത്തെ ഏറ്റവും താഴ്ന്ന നിലയിലേക്ക് ഇന്ത്യയുടെ വളര്‍ച്ചാ നിരക്ക് എത്തിയിട്ടുണ്ടെന്നാണ് കണക്കുകളിലൂടെ വ്യക്തമാകുന്നത്.എന്നാല്‍ 2018-2019 സാമ്പത്തിക വര്‍ഷത്തിലെ ഏറ്റവും അവസാന പാദത്തില്‍ വളര്‍ച്ചാ നിരക്കായി ആകെ രേഖപ്പെടുത്തിയത് 5.8 ശതമാനമായിരുന്നു.
ഇന്ത്യ അതിവേഗം വളരുന്ന സാമ്പത്തിക രാജ്യമാണെന്ന് കേന്ദ്രസര്‍ക്കാര്‍ പറഞ്ഞ എല്ലാ വാദങ്ങളും പൊള്ളയാണെന്നാണ് ഈ കണക്കുകളിലൂടെ വ്യക്തമാക്കുന്നത്. നിര്‍മ്മാണ മേഖലയിലും, കാര്‍ഷിക മേഖലയിലും ഇപ്പോഴും മോശം പ്രകടനം തന്നെയാണ് തുടരുന്നത്. സാമ്പത്തിക മേഖല കടുത്ത വെല്ലുവിളിയിലൂടെയാണ് കടന്നുപോകുന്നതെന്നാണ് ഇപ്പോള്‍ വ്യക്തമാക്കുന്നത്. നിര്‍മ്മാണ മേഖലയില്‍ മാത്രം ഒന്നാം പാദത്തില്‍ വളര്‍ച്ച രേഖപ്പെടുത്തിയിട്ടുള്ളത് 0.6 ശതമാനം മാത്രമാണ്. മുന്‍വര്‍ഷം ഇതേകാലയളവില്‍ 12.1 ശതമാനമാണ് വളര്‍ച്ച. കാര്‍ഷിക, മത്സ്യ ബന്ധന മേഖലയിലെ വളര്‍ച്ചയില്‍ ആകെ രേഖപ്പെടുത്തിയിട്ടുള്ളത് രണ്ട് ശതമാനം വളര്‍ച്ചയാണ്.2019-2020 സാമ്പത്തിക വര്‍ഷത്തിലെ ജൂണിലവസാനിച്ച ഒന്നാം പാദത്തില്‍ മൈനിങ് ആന്‍ഡ് കല്‍ക്കരി മേഖലയിലെ വളര്‍ച്ച ഒന്നാം പാദത്തില്‍ 0.4 ശതമാനം (മുന്‍വര്‍ഷം ഇതേകാലളവില്‍ 2.7 ശതമാനം).
അതേസമയം റേറ്റിങ് ഏജന്‍സികളുടെ വിലയിരുത്തലിനേക്കാള്‍ ഏറ്റവും താഴ്ന്ന നിലയിലേക്കാണ് ഇന്ത്യയുടെ വളര്‍ച്ചാ നിരക്ക് രേഖപ്പെടുത്തിയിട്ടുള്ളത്. അന്താരാഷ്ട്ര തലത്തില്‍ രൂപപ്പെട്ട രാഷ്ട്രീയ പ്രതിസന്ധിയും, യുഎസ് ചൈനാ വ്യാപാര തര്‍ക്കലവുമെല്ലാം ഇന്ത്യയുടെ വളര്‍ച്ചാ നിരക്കിനെ ഗുരുതരമായി ബാധിച്ചിട്ടുണ്ട്. 2013 ന് ശേഷം ഇതാദ്യമായാണ് ഇന്ത്യയുടെ വളര്‍ച്ചാ നിരക്ക് ഏറ്റവും താഴ്ന്ന നിലയിലേക്കെത്തിയിട്ടുള്ളത്.
