ന്യൂഡല്ഹി: ഇന്ത്യന് റെയില്വെയുടെ ഓണ്ലൈന് ടിക്കറ്റ് ബുക്കിംഗ് പ്ലാറ്റ്ഫോമായ ഇന്ത്യന് റെയില്വെ കാറ്റെറിംഗ് ആന്ഡ് ടൂറിസം കോര്പ്പറേഷന് (ഐആര്സിടിസി)ഡിസംബര് 31 വന് അവസാനിച്ച മൂന്നാം പാദത്തില് റെക്കോര്ഡ് നേട്ടം ഉണ്ടായതായി റിപ്പോര്ട്ട്. ഇതോടെ ഐആര്സിടിസിയുടെ ഓഹരികളില് 13 ശതമാനത്തോളം വര്ധവാണ് കഴിഞ്ഞദിവസം രേഖപ്പെടുത്തിയിട്ടുള്ളത്. ഐആര്സിടിസിയുടെ ഓഹരി വിലകളില് മൂന്ന് മടങ്ങ് വര്ധനവാണ് ഉണ്ടായിട്ടുള്ളത്.
ഡിസംബര് 31ന് അവസാനിച്ച മൂന്നാം പാദത്തില് കമ്പനിക്ക് റെക്കോര്ഡ് നേട്ടം കൈവരിക്കാന് സാധിച്ചതോടെയാണ് ഓഹരി വിലയില് വര്ധനവ് രേഖപ്പെടുത്തിയത്. ഇന്ന് വ്യാപാരം തുടങ്ങി അതായത് 10.26 മണിക്ക് ഐആര്സിടിസിയുടെ ഓഹരി വില 11 ശതമാനം വര്ധനവ് രേഖപ്പെടുത്തി 1,571.15 രൂപയിലേക്ക് കുതിച്ചുയര്ന്നു. കഴിഞ്ഞദിവസം 1599 രൂപയായിരുന്നു സ്റ്റോക്ക് എക്സ്ചെയ്ഞ്ചില് രേഖപ്പെടുത്തിയിരുന്നത്. അതേസമയം 2019 ഒക്ടോബറില് സംഘടിപ്പിച്ച പ്രാഥമിക ഓഹരി വില്പ്പനയില് (ഐപിഒ)യില് നിശ്ചയിച്ചിരുന്നത് 320 രൂപയായിരുന്നു. പ്രാഥമിക ഓഹരി വില്പ്പനയില് നിശ്ചയിച്ചിരുന്നതിനേക്കാള് അഞ്ച് മടങ്ങ് വര്ധനവാണ് ഇന്നിപ്പോള് രേഖപ്പെടുത്തിയത്.
അതേസമയം ഡിസംബര് 31 ന് അവസാനിച്ച മൂന്നാം പാദത്തില് ഐആര്സിടിസിയുടെ ലാഭത്തില് രേഖപ്പെടുത്തിയത് 205.8 കോടി രൂപയോളമായിരുന്നു. മുന്വര്ഷം ഇതേകാലയളവില് കമ്പനിയുടെ ലാഭത്തില് രേഖപ്പെടുത്തിയത് 73.59 കോടി രൂപയായിരുന്നു. എന്നാല് ഐആര്സിടിസിയുടെ വരുമാനത്തിലും മൂന്നാം പാദത്തില് വര്ധനവ് രേഖപ്പെടുത്തിയിട്ടുണ്ട്. വരുമാനത്തില് 64.6 ശതമാനം വര്ധനവാണ് ആകെ രേഖപ്പെടുത്തിയിട്ടുള്ളത്. ഇതോടെ ഡിസംബര് പാദത്തില് കമ്പനിയുടെ വരുമാനത്തില് 715.98 കോടി രൂപയായി വര്ധിച്ചു.
പ്രവര്ത്തന തലത്തില്, പലിശ, നികുതി, മൂല്യത്തകര്ച്ച, കടം മാറ്റല് (എബിറ്റ്ഡ) എന്നിവയ്ക്ക് മുമ്പുള്ള വരുമാനം 168.7 ശതമാനം വര്ധിച്ച് ഡിസംബര് പാദത്തില് 265.7 കോടി രൂപയായി. കഴിഞ്ഞ വര്ഷം ഇതേ കാലയളവില് 22.72 ശതമാനത്തില് നിന്ന് 37.1 ശതമാനമായി എബിറ്റ്ഡ മാര്ജിന് കുത്തനെ ഉയര്ന്നു. മാത്രമല്ല ഓഹരി ഒന്നിന് 10 രൂപ ഇടക്കാല ലാഭവിഹിതം കമ്പനി പ്രഖ്യാപിച്ചിട്ടുണ്ട്. മാത്രമല്ല തേജസ് രാജ്യത്തെ ആദ്യത്തെ സ്വകാര്യ ട്രെയിനായ തേജസ് എക്സ്പ്രസിന്റെ പ്രവര്ത്തനവും കമ്പനിക്ക് മികച്ച നമേട്ടം ഉണ്ടാകുന്നതിന് കാരണമായി. തേജസ് എക്സ്പ്രസിന്റെ ആദ്യത്തെ സര്വീസ് ലക്നൗ-ഡല്ഹി വരെയുമാണ്. രണ്ടാമത്തേത് മുംബൈ-അഹമ്മദാബാദ് വരെയുമാണ്. 2020 ജനുവരിയിലാണ് തേജസ് എക്സ്പ്രസിന്റെ രണ്ടാമത്തെ എക്സ്പ്രസിന്റെ പ്രവര്ത്തനം ആരംഭിച്ചത്.
