മുംബൈ: ജെറ്റ് എയര്വേയ്സില് ഉടന് മൂലധന നിക്ഷേപം നടത്താന് ആഗ്രഹിക്കുന്നതായി, ബാധ്യതനിവാരണ നടപടികളിലൂടെ ഉടമസ്ഥത സ്വന്തമാക്കിയ മുരാരി ലാല് ജലന് കല്റോക്ക് കണ്സോര്ഷ്യം ദേശീയ കമ്പനി നിയമ ട്രൈബ്യൂണലിനെ അറിയിച്ചു. ഉടമസ്ഥത കൈമാറ്റ നടപടികള് ട്രൈബ്യൂണല് വേഗം പൂര്ത്തിയാക്കണമെന്ന് സംരംഭകര് ആവശ്യപ്പെട്ടു.
പുതുവര്ഷത്തില് കഴിയുന്നത്ര വേഗം സര്വീസ് പുനരാരംഭിക്കാനാണ് ലക്ഷ്യമിടുന്നത്. ഫുള്സര്വീസ് എയര്ലൈന് ആയിത്തന്നെ സര്വീസ് തുടരാനാണു തീരുമാനം. ജെറ്റ് എയര്വേയ്സ് വരുത്തിവച്ച വിവിധ ഇനം കുടിശികകള് നല്കിത്തീര്ക്കുന്നതടക്കമുള്ള ആവശ്യങ്ങള്ക്കു പണം തയാറാക്കിയിട്ടുണ്ടെന്നും നിയമനടപടികള് പൂര്ത്തിയായാലേ അതു തുടങ്ങാനാകൂ എന്നും കണ്സോര്ഷ്യം അറിയിച്ചു.
