റിലയന്സ് ഇന്ഫ്രയുടെ മുംബൈയിലെ ഹെഡ്ക്വാട്ടേഴ്സ് 1200 കോടി രൂപയ്ക്ക് യെസ് ബാങ്കിന് വിറ്റു. ബാങ്കാകട്ടെ കെട്ടിടം കോര്പ്പറേറ്റ് ഹെഡ്ക്വാട്ടേഴ്സാക്കുകയും ചെയ്തു. യെസ് ബാങ്കിലുള്ള കടം തിരിച്ചടയ്ക്കുന്നതിന്റെ ഭാഗമായാണ് റിലയന്സ് സാന്താക്രൂസിലുള്ള ആസ്ഥാനമന്ദിരം വിറ്റത്. ഇതോടെ യെസ് ബാങ്കിലുള്ള കമ്പനിയുടെ ബാധ്യത 2000 കോടിയായി കുറഞ്ഞു.
ജനുവരിക്കുശേഷം മൂന്ന് പ്രധാന ആസ്തികളാണ് റിലയന്സ് ഇന്ഫ്രസ്ട്രക്ചര് വിറ്റത്. ഡല്ഹി-ആഗ്ര ടോള് റോഡ് ക്യൂബ് ഹൈവേയ്ക്ക് 3,600 കോടി(എന്റര്പ്രൈസസ് വാല്യൂ)രൂപയ്ക്കാണ് കൈമാറിയത്. പ്രഭാതി കോള്ദാം ട്രാന്സ്മിഷന് കമ്പനിയിലുള്ള 74 ശതമാനം ഓഹരി ഇന്ത്യ ഗ്രിഡ് ട്രസ്റ്റിന് 900 കോടിക്കുമാണ് വിറ്റത്.
