മുംബൈ: പ്രവര്ത്തനം നിലച്ച എയര്ലൈന് കമ്പനിയായ ജെറ്റ് എയര്വേസിന്റെ റെസല്യൂഷന് പ്രക്രിയ അവസാന ഘട്ടത്തിലെത്തി, വിമാനക്കമ്പനിയെ പുനരുജ്ജീവിപ്പിക്കാന് താല്പ്പര്യമുള്ള രണ്ട് ഷോര്ട്ട് ലിസ്റ്റ് എന്റിറ്റികള് അടുത്ത ആഴ്ച ആദ്യം തന്നെ അന്തിമ ഓഫറുകളുമായി വരുമെന്നാണ് പ്രതീക്ഷ. ഈ മാസം അവസാനമോ ഒക്ടോബര് ആദ്യ വാരമോ നടപടികള് പൂര്ത്തിയായേക്കുമെന്ന് ബിസിനസ് സ്റ്റാന്ഡേര്ഡ് റിപ്പോര്ട്ട് ചെയ്യുന്നു. റെസല്യൂഷന് പ്ലാനിന് അംഗീകാരം വേണമെങ്കില് വായ്പാ ദാതാക്കളില് 66 ശതമാനത്തിന്റെ വോട്ട് വേണം.
'റെസല്യൂഷന് പ്ലാന് വായ്പ ദാതാക്കളുടെ സമിതിയുടെ ഭൂരിപക്ഷവും അംഗീകരിച്ചുകഴിഞ്ഞാല്, ട്രിബ്യൂണലിന്റെ അംഗീകാരം ലഭിക്കുന്നതിന് റെസല്യൂഷന് പ്രൊഫഷണല് സെക്ഷന് 30 പ്രകാരം എന് സി എല് ടിയില് (നാഷണല് കമ്പനി ലോ ട്രിബ്യൂണല്) ഒരു അപേക്ഷ സമര്പ്പിക്കും. വിയോജിപ്പുള്ള വായ്പാദയകര്ക്ക് പോലും റെസല്യൂഷന് പ്ലാനില് അംഗീകരിച്ചിട്ടുള്ളവയ്ക്ക് അര്ഹതയുണ്ടെന്നും സെക്ഷന് 53 പ്രകാരം അവര്ക്ക് ലഭിച്ചിരുന്നതിലും കുറവായിരിക്കരുതെന്നും കോഡിന് കീഴിലുള്ള വ്യവസ്ഥ പറയുന്നു. മുമ്പ് അവര്ക്ക് മുന്ഗണന നല്കുമായിരുന്നുവെങ്കിലും ചട്ടങ്ങള് മാറിയിട്ടുണ്ട്, 'ധീര് & ദിര് അസോസിയേറ്റ്സ് അസോസിയേറ്റ്സ് അസോസിയേറ്റ് പാര്ട്ണര് ആശിഷ് പ്യാസി പറഞ്ഞു.
