ഒരു മാസത്തിനിടെ രണ്ടാം തവണ എസ്ബിഐ നിക്ഷേപ പലിശ കുറച്ചു. എല്ലാ കാലാവധിയിലുമുള്ള പലിശയില് 40 ബേസിസ് പോയിന്റിന്റെ കുറവാണ് വരുത്തിയത്. ഇതുപ്രകാരം 7 ദിവസം മുതല് 45 ദിവസം വരെയുള്ള നിക്ഷേപങ്ങളുടെ പലിശ 2.9 ശതമാനമായി. 46 ദിവസം മുതല് 179 ദിവസം വരെയുള്ള പലിശ 3.9 ശതമാനവുമാണ്.
180 ദിവസം മുതല് ഒരു വര്ഷത്തിനു താഴെ-4.4 ശതമാനം
ഒരു വര്ഷം മുതല് 3 വര്ഷം വരെ-5.1 ശതമാനം
3 വര്ഷം മുതല് 5 വര്ഷം വരെ-5.3 ശതമാനം
5 മുതല് 10 വര്ഷം വരെ-5.4 ശതമാനം.
മുതിര്ന്ന പൗരന്മാര്ക്ക് അര ശതമാനം പലിശ അധികം ലഭിക്കും. പുതുക്കിയ പലിശ നിരക്കുകള് മെയ് 27 മുതല് നിലവില് വന്നു. ആര്ബിഐ കഴിഞ്ഞയാഴ്ചയില് റിപ്പോ നിരക്കില് 40 ബേസിസ് പോയിന്റിന്റെ കുറവു വരുത്തിയതിന്റെ പിന്നാലെയാണ് പലിശ നിരക്കുകള് ബാങ്ക് വീണ്ടും പരിഷ്കരിച്ചത്. മൂന്നു വര്ഷം വരെ കാലാവധിയുള്ള നിക്ഷേപങ്ങളുടെ പലിശ ഇതിനു മുമ്പ് കുറച്ചത് മെയ് 12 നാണ്. 20 ബേസിസ് പോയിന്റാണ് അന്ന് കുറച്ചത്.
