എസ്ബിഐ ഇന്റര്നെറ്റ് ബാങ്കിങ് സേവനങ്ങള് വീണ്ടും പണിമുടക്കും. യോനോ, യോനോ ലൈറ്റ്, യോനോ ബിസിനസ്, ഐഎംപിഎസ്, യുപിഐ തുടങ്ങിയ സേവനങ്ങള് എസ്ബിഐ ഉപഭോക്താക്കള്ക്ക് ലഭ്യമായേക്കില്ല. സെപ്റ്റംബര് നാലിനും അഞ്ചിനും ഇടയില് സേവനങ്ങള് തടസപ്പെട്ടേക്കാം എന്ന് ബാങ്ക് അധികൃതര് വ്യക്തമാക്കി. ട്വിറ്ററിലൂടെയാണ് എസ്ബിഐ ഇക്കാര്യം അറിയിച്ചത്.
ബാങ്ക് ട്വീറ്റ് ചെയ്തത് അനുസരിച്ച് 2021 സെപ്റ്റംബര് നാലിനും സെപ്റ്റംബര് അഞ്ചിനുമാണ് സേവനങ്ങള് തടസപ്പെടുക. ഇന്നും, നാളെ, ഞായറാഴ്ചയുമാണ് സേവനങ്ങള് തടസപ്പെടുക. രാവിലെ 10 മുതല് മൂന്ന് മണിക്കൂര് സേവനങ്ങള് തടസപ്പെട്ടേക്കാം. ഞായറാഴ്ച ഒന്നര മണിക്കൂര് സേവനം ലഭ്യമായേക്കില്ല. സാങ്കേതിക അറ്റകുറ്റപ്പണികളാണ് സേവനം തടസപ്പെടാന് കാരണം. അസൗകര്യമുണ്ടായതില് ഖേദിക്കുന്നതായും, ഉപഭോക്താക്കള് സഹകരിക്കണമെന്നും ബാങ്ക് അഭ്യര്ത്ഥിച്ചു.
