രാജ്യത്തെ ഏറ്റവും വലിയ ബാങ്കായ എസ്ബിഐ ഡിസംബര്‍ പാദത്തില്‍ 5,196 കോടി രൂപ അറ്റാദായം നേടി. കഴിഞ്ഞ വര്‍ഷം ഇതേപാദത്തിലെ ആദായവുമായി താരതമ്യം ചെയ്യുമ്പോള്‍ 6.9 ശതമാനം കുറവാണിത്.
മുന്‍പാദത്തെ അപേക്ഷിച്ച് 13.60 ശതമാനം വര്‍ധനയും രേഖപ്പെടുത്തി. 4,574 കോടി രൂപയാണ് ജൂലായ്-സെപ്റ്റംബര്‍ പാദത്തിലെ കമ്പനിയുടെ ലാഭം. പലിശ വരുമാനം 3.75 ശതമാനം വര്‍ധിച്ച് 28,820 കോടി രൂപയായി. സെപ്റ്റംബര്‍ പാദത്തില്‍ 28,181 കോടി രൂപയായിരുന്നു വരുമാനം. 4.77 ശതമാനമാണ് കിട്ടാക്കട അനുപാതം. 1.17 ലക്ഷം കോടി രൂപയാണ് ബാങ്കിന്റെ മൊത്തം കിട്ടാക്കടം.
