ന്യൂഡല്ഹി: കഴിഞ്ഞയാഴ്ച്ച ആറ് കമ്പനികളുടെ വിപണി മൂല്യത്തില് നേട്ടമുണ്ടായതായി റിപ്പോര്ട്ട്. കഴിഞ്ഞയാഴ്ച്ച വ്യാപാരം അവസാനിച്ചപ്പോള് കമ്പനികളുടെ ആകെ വിപണി മൂല്യം 34,250 കോടി രൂപയോളം അധികരിച്ചുവെന്നാണ് കണക്കുകളിലൂടെ വ്യക്തമാക്കുന്നത്. പ്രമുഖ ഐടി കമ്പനിയായ ടിസിഎസിന്റെ വപണി മൂല്യം നേട്ടത്തില് തന്നെയാണ് ഇപ്പോഴും നിലനില്ക്കുന്നത്. അതേസമയം നാല് കമ്പനികളുടെ വിപണി മൂല്യത്തില് നഷ്ടം നേരിട്ടു. എച്ച്ഡിഎറഫ്സി, എച്ച്യുഎല്, എച്ച്ഡിഎറഫ്സി, കോടക് മഹീന്ദ്ര ബാങ്ക് എന്നീ കമ്പനികളുടെ വിപണി മൂല്യത്തിലാണ് കഴിഞ്ഞയാഴ്ച വ്യാപാരം അവസാനിച്ചപ്പോള് നഷ്ടം നേരിട്ടത്.
റിലയന്സ് ഇന്ഡസ്ട്രീസ് (ആര്ഐഎല്), ഐടിസി, ഇന്ഫോസിസ്, എസ്ബിഐ, ഐസിഐസിഐ ബാങ്ക് എന്നീ കമ്പനികളുടെ വിപണി മൂല്യമാണ് വെള്ളിയാഴ്ച അവസാനിച്ച വ്യപാരത്തിലെ വിപണി മൂല്യത്തില് നേട്ടമുണ്ടാക്കിയത്. പ്രമുഖ ഐടി സ്ഥാപനമായ ടാറ്റ കണ്സള്ട്ടന്സി സര്വീസെസ് (ടിസിഎസ്) വിപണി മൂല്യ കഴിഞ്ഞയാഴ്ച 27,523.74 കോടി രൂപയായി ഉയര്ന്നു. കമ്പനിയുടെ ആകെ വിപണി മൂല്യം 8,45,149.61 കോടി രൂപയായി ഉയര്ന്നുവെന്നാണ് കണക്കുകളിലൂടെ വ്യക്തമാക്കുന്നത്
ഐടിസിയുടെ വിപണി മൂല്യം 2,513.02 ഉയര്ന്ന് കമ്പനിയുടെ ആകെ മൂല്യം 3,40,728.67 കോടി രൂപയായി ഉയര്ന്നു. എസ്ബിഐയുടെ വിപണി മൂല്യം 1,639.42 കോടി രൂപയായി ഉയര്ന്ന് ആകെ വിപണി മൂല്യം 3,06,872.77 കോടിയിലെത്തി. ഐസിഐസിഐ ബാങ്കിന്റെ വിപണി മൂല്യം 745.32 കോടി പരൂപയില് നിന്ന്് 2,69,593.17 കോടി രൂപയായി ഉയര്ന്നു. ഇന്ഫോസിസിന്റെ വിപണി മൂല്യം ഈ ആഴ്ച്ച കൂട്ടിച്ചേര്ക്കപ്പെട്ടത് 458.73 കോടി രൂപയാണ്. കമ്പനിയുടെ ആകെ വിപണി മൂല്യം 3,23,475.68 കോടി രൂപയായി അധികരിക്കുകയും ചെയ്തു.
അതേസമയം കോടക് മഹീന്ദ്ര ബാങ്കിന്റെ വിപണി മൂല്യം 7,359.21 കോടി രൂപ കുറഞ്ഞ് കമ്പനിയുടെ ആകെ വിപണി മൂല്യം 2,81,349.02 കോടി രൂപയിലേക്കെത്തി. എച്ച്ഡിഎഫ്സിയുടെ വിപണി മൂല്യം 4,444.12 കോടി രൂപ കുറഞ്ഞ് കമ്പനിയുടെ വിപണി മൂല്യം 3,75,944.90 കോടി രൂപയായി ചുരുങ്ങിയെന്നാണ് കണക്കുകളിലൂടെ വ്യക്തമാക്കുന്നത്. എച്ച് യുഎല്ലിന്റെ വിപണി മൂല്യം 1,439.59 കോടി രൂപയായി ചുരങ്ങി കമ്പനിയുടെ ആകെ വിപണി മൂല്യം 3,95,065.37 ലെത്തിയെന്നാണ് കണക്കുകളിലൂടെ ബോധ്യപ്പെടുത്തുന്നത്. എച്ച്ഡിഎഫ്സി ബാങ്കിന്റെ വിപണി മൂ്ല്യം 3,151.75 കോടി രൂപയായി കുറഞ്ഞ് കമ്പനിയുടെ ആകെ മൂ്ല്യം 3,151.75 കോടി രൂപയായി കുറഞ്ഞുവെന്നാണ് കണക്കുകളിലൂടെ വ്യക്തമാക്കുന്നത്.
