സര്‍ക്കാര്‍ ഉടമസ്ഥതയിലുള്ള എസ്ജെവിഎന്‍ ലിമിറ്റഡില്‍ നിന്ന് 5,500 കോടി രൂപയുടെ 1 ജിഗാവാട്ട് പ്രോജക്റ്റിനുള്ള ഇന്ത്യയിലെ ഏറ്റവും വലിയ സോളാര്‍ എഞ്ചിനീയറിംഗ് പ്രൊക്യുര്‍മെന്റ് ആന്‍ഡ് കണ്‍സ്ട്രക്ഷന്‍ (ഇപിസി) ഓര്‍ഡര്‍ നേടിയതായി ടാറ്റ പവര്‍ സോളാര്‍ സിസ്റ്റംസ് വ്യാഴാഴ്ച അറിയിച്ചു. കമ്പനിയുടെ പ്രസ്താവന പ്രകാരം, ഈ ഇപിസി ഓര്‍ഡര്‍ രൂപകല്‍പ്പന ചെയ്തിരിക്കുന്നത് 'മെയ്ക്ക് ഇന്‍ ഇന്ത്യ' സെല്ലുകളുടെയും മൊഡ്യൂളുകളുടെയും നൂതനമായ ഉപയോഗത്തില്‍ ശ്രദ്ധിയൂന്നുന്നതിനാണ്.
നവീകരിക്കാവുന്നതും പുനരുപയോഗിക്കാവുന്നതുമായ ഊര്‍ജ മന്ത്രാലയത്തിന്റെ സിപിഎസ്യു (കേന്ദ്ര പൊതുമേഖലാ സ്ഥാപനം) പദ്ധതിക്ക് കീഴിലാണ് പദ്ധതി വികസിപ്പിച്ചെടുക്കുന്നത്. 24 മാസത്തിനുള്ളില്‍ പൂര്‍ത്തിയാകും. രാജസ്ഥാനിലെ 5,000 ഏക്കര്‍ ഭൂമിയില്‍ വ്യാപിച്ചുകിടക്കുന്ന ഈ പദ്ധതി ഏകദേശം 22,87,128 കിലോ കാര്‍ബണ്‍ ബഹിര്‍ഗമനം കുറയ്ക്കാന്‍ ലക്ഷ്യമിടുന്നു.
'ഇത്തരം വലിയ പദ്ധതി നടപ്പിലാക്കുന്നത് രാജ്യത്ത് ശുദ്ധമായ ഹരിത ഊര്‍ജ്ജം പ്രോത്സാഹിപ്പിക്കുന്നതിനുള്ള ഞങ്ങളുടെ പ്രതിബദ്ധതയെ പ്രതിഫലിപ്പിക്കുന്നു. കൂടാതെ മുന്‍നിര സോളാര്‍ ഇപിസി കമ്പനി എന്ന നിലയിലുള്ള ഞങ്ങളുടെ സ്ഥാനം ശക്തിപ്പെടുത്തുന്നു,' ടാറ്റ പവര്‍ സിഇഒയും എംഡിയുമായ പ്രവീര്‍ സിന്‍ഹ പറഞ്ഞു.
ഇത്തരം വലിയ തോതിലുള്ള പുനരുപയോഗിക്കാവുന്ന പദ്ധതികള്‍ നടപ്പിലാക്കുന്നതിലും കമ്മീഷന്‍ ചെയ്യുന്നതിലും ടാറ്റ പവര്‍ സോളാര്‍ എല്ലായ്‌പ്പോഴും ഒരു മുന്‍നിരക്കാരാണ്. ഈ 1 ഗിഗാവാട്ട് ഓര്‍ഡര്‍ നേട്ടത്തോടെ പുനരുല്‍പ്പാദിപ്പിക്കാവുന്ന പദ്ധതികള്‍ക്കായി ഉള്ള കമ്പനിയുടെ ഓര്‍ഡര്‍ ബുക്കിംഗ് 12,000 കോടി രൂപ കടന്നു.
