കൊച്ചി: ഇലക്ട്രിക്കല്, ഇലക്ട്രോണിക്സ് ഉപകരണ നിര്മാതാക്കളായ വി-ഗാര്ഡ് ഇന്ഡസ്ട്രീസ് ലിമിറ്റഡ് സെപ്റ്റംബറില് അവസാനിച്ച രണ്ടാം പാദത്തില് 59.40 കോടി രൂപ അറ്റാദായം നേടി. 15.09 ശതമാനമാണ് വര്ധന.
കഴിഞ്ഞ കൊല്ലം ഇതേ കാലയളവില് 51.61 കോടി രൂപയായിരുന്നു ലാഭം. മൊത്ത വരുമാനം 45.65% വര്ധിച്ച് 907.40 കോടിയായി. മുന് വര്ഷം ഇത് 623 കോടി രൂപയായിരുന്നു. സാമ്പത്തിക വര്ഷത്തിന്റെ ആദ്യ പകുതിയില് വരുമാനം 43% വളര്ച്ചയോടെ 1472.59 കോടി രൂപയാണ്. മുന് വര്ഷം ഇതേ കാലയളവില് 1031 കോടി രൂപയായിരുന്നു.
