ഈ ആഴ്ചത്തൈ അവസാനത്തെ വ്യാപാര ദിനമായ ഇന്ന് ഓഹരി വിപണി നേട്ടത്തോടെ അവസാനിച്ചു. മുംബൈ ഓഹരി സൂചികയായ സെന്സെക്സ് 336.47 ഉയര്‍ന്ന് 39067.33 ലെത്തിയാണ് ഇന്ന് വ്യാപാരം അവസാനിച്ചത്. ദേശീയ ഓഹരി സൂചികയായ നിഫ്റ്റി 112.90 പോയിന്റ് ഉയര്‍ന്ന് 11754 ലെത്തിയാണ് ഇന്ന് വ്യാപാരം അവസാനിച്ചത്. നിലവില്‍ 1085 കമ്പനികളുടെ ഓഹരികള്‍ നേട്ടത്തിലും, 1410 കമ്പനികളുടെ ഓഹരികള്‍ നഷ്ടത്തിലുമാണുള്ളത്.
ടാറ്റാ സ്റ്റീല്‍ (6.75%), ബിപിസിഎല്‍ (3.57%), ഗെയ്ല്‍ (3.00%), ഐസിഐസിഐ ബാങ്ക് (2.98%), ജെഎസ്ഡബ്ല്യു സ്റ്റീല്‍ (2.58%) എന്നീ കമ്പനികളുടെ ഓഹരികളിലാണ് നേട്ടമുണ്ടായത്.
അതേസമയം ചില കമ്പനികളുടെ ഓഹരികളില്‍ നഷ്ടവും നേരിട്ടു. ടാറ്റാ മോട്ടോര്‍സ് (-2.82%), ബജാജ് ആട്ടോ (-1.41%), ഗ്രാസിം (-1.23%), ഡോ.റെഡ്ഡി ലാബ്‌സ് (-1.12%), ഭാരതി എയര്‍ടെല്‍ (-0.93%) എന്നീ കമ്പനികളുടെ ഓഹരികളില്‍ നഷ്ടം നേരിട്ടത്.
വ്യാപാരത്തിലെ സമ്മര്‍ദ്ദവും, ആശയകുഴപ്പവും കാരണം ടാറ്റാ സ്റ്റീല്‍ (2,081.55), ആക്‌സിസ് ബാങ്ക് (1,769.90), മാരുതി സുസൂക്കി (1,368.17), യെസ് ബാങ്ക് (1,150.29), റിലയന്‍സ് (959.34) എന്നീ കമ്പനികളുടെ ഓഹരികളിലാണ് കൂടുതല്‍ ഇടപാടുകള്‍ നടന്നത്.
