മുംബൈ: വ്യാപാര ആഴ്ചയുടെ ആദ്യദിനത്തില് ഓഹരി സൂചികകള് മികച്ച നേട്ടത്തില് ക്ലോസ് ചെയ്തു. നിഫ്റ്റി 11,450ന് മുകളിലെത്തി. സെന്സെക്സ് 364.36 പോയന്റ് നേട്ടത്തില് 38,799.08ലും നിഫ്റ്റി 94.90 പോയന്റ് ഉയര്ന്ന് 11,466.50ലുമാണ് വ്യാപാരം അവസാനിപ്പിച്ചത്. ബിഎസ്ഇയിലെ 1,500 കമ്പനികളുടെ ഓഹരികള് നേട്ടത്തിലും 1109 ഓഹരികള് നഷ്ടത്തിലുമായിരുന്നു. 136 ഓഹരികള്ക്ക് മാറ്റമില്ല.
സീ എന്റര്ടെയ്ന്മെന്റ്, കൊട്ടക് മഹീന്ദ്ര ബാങ്ക്, ഇന്ഡസിന്റ് ബാങ്ക്, ബജാജ് ഫിനാന്സ്, എച്ച്ഡിഎഫ്സി ബാങ്ക് തുടങ്ങിയ ഓഹരികളാണ് പ്രധാനമായും നേട്ടമുണ്ടാക്കിയത്. പവര്ഗ്രിഡ് കോര്പ്, ടെക് മഹീന്ദ്ര, അദാനി പോര്ട്സ്, എംആന്ഡ്എം, ഹിന്ഡാല്കോ തുടങ്ങിയ ഓഹരികള് നഷ്ടത്തിലുമായിരുന്നു.
ബാങ്ക്, വാഹനം, എഫ്എംസിജി, ലോഹം തുടങ്ങിയ വിഭാഗങ്ങളിലെ സൂചികകള് നേട്ടമുണ്ടാക്കി. ഐടി, ഫാര്മ സൂചികകള് നഷ്ടത്തിലുമാണ് ക്ലോസ് ചെയ്തത്. ബിഎസ്ഇ മിഡ് ക്യാപ് സൂചിക 0.4ശതമാനവും സ്മോള് ക്യാപ് സൂചിക 1.6ശതമാനവും ഉയര്ന്നു.
