ഇന്ത്യയുടെ പ്രതീക്ഷിത വളര്ച്ചാ നിരക്ക് 6.1 ശതമാനത്തില് നിന്ന് റിസര്വ്വ് ബാങ്ക് ഓഫ് ഇന്ത്യ അഞ്ച് ശതമാനമായി വെട്ടിക്കുറച്ചതോടെ ഓഹരി വിപണി ഇന്ന് സമ്മര്ദ്ദത്തിലായി. വിവിധ റേറ്റിങ് റേറ്റിങ് ഏജന്സികളും ഇന്ത്യയുടെ വളര്ച്ചാ നിരക്ക് അഞ്ച് ശതമാനമോ അതിന് താഴെയോ എത്തുമെന്നാണ് നിരീക്ഷിച്ചിട്ടുള്ളത്. ആഗോള റേറ്റിങ് ഏജന്സിയായ ക്രിസില് ഇന്ത്യയുടെ വളര്ച്ചാ നിരക്ക് 5.1 ശതമാനമായാണ് വെട്ടിക്കുറച്ചത്. അതേസമയം നേരത്തെ ക്രിസില് വിലയിരുത്തിയത് 6.3 ശതമാനമായിരുന്നു. നോമുറ നടപ്പുവര്ഷത്തെ വളര്ച്ചാ നിരക്ക് 4.7 ശതമാനമായും വെട്ടിക്കുറച്ചു. ഉപഭോഗ നിക്ഷേപ മേഖലയിലും, കാര്ഷിക വ്യാപാര മേഖലയിലുമെല്ലാം രൂപപ്പെട്ട തളര്ച്ചയാണ് വളര്ച്ചാ നിരക്ക് കുറയാന് പ്രധാന കാരണമാകുക എന്നാണ് വിലയിരുത്തല്.
അടിസ്ഥാന പലിശ നിരക്കായ റിപ്പോ നിരക്കിലും റിസര്വ്വ് ബാങ്ക് ഓഫ് ഇന്ത്യ മാറ്റങ്ങള് വരുത്താത് മൂലം നിക്ഷേപകര്ക്കിടയില് ആശയകുഴപ്പങ്ങള് ഉണ്ടാകുന്നതിന് കാരണമായി. റിപ്പോ നിരക്കില് 5.15 ശതമാനമായി തന്നെ തുടരും. എതിരഭിപ്രായങ്ങളില്ലാതെയാണ് പുതിയ വായ്പാ നയം പ്രഖ്യാപിച്ചത്. അതേസമയം എല്ലാ പ്രവചനങ്ങളയെും തെറ്റിച്ചാണ് ഇന്ന് റിസര്വ്വ് ബാങ്ക് ഓഫ് ഇന്ത്യ പുതിയ വായ്പാ നയം പ്രഖ്യാപിച്ചത്. നടപ്പുവര്ഷത്തെ രണ്ടാം പാദത്തില് വളര്ച്ചാ നിരക്ക് 4.5 ശതമാനത്തിലേക്ക് ചുരുങ്ങിയത് മൂലം റിസര്വ്വ് ബാങ്ക് ഓഫ് ഇന്ത്യ 25 ബേസിസ് പോയന്റ് വരെ കുറക്കാന് സാധ്യതയുണ്ടെന്ന പ്രതീക്ഷകള് തെറ്റിയത് മൂലം ഓഹരി വിപണിയില് നിന്ന് നിക്ഷേപകര് പിന്മാറുന്ന സ്ഥിതിയാണ് രൂപപ്പെട്ടിട്ടുള്ളത്.
മുംബൈ ഓഹരി സൂചികയായ സെന്സകസ് 70.70 പേയിന്റ് താഴ്ന്ന്് 40,779.59 ലെത്തിയാ്ണ് ഇന്ന് വ്യാപാരം അവസാനിച്ചത്. ദേശീയ ഓഹരി സൂചികയായ നിഫ്റ്റി 24.80 പോയിന്റ് താഴ്ന്ന് 12,018.40 ലെത്തിയാണ് ഇന്ന് വ്യാപാരം അവസാനിച്ചത്. നിലവില് 1111 കമ്പനികള് ഓഹരികള് നേട്ടത്തിലും, 1339 കമ്പനികളുടെ ഓഹരികള് നഷ്ടത്തിലുമാണുള്ളത്.
സീ എന്റര്ടെയ്ന്മെന്റ് (6.65%), ടിസിഎസ് (2.06%), ഐടിസി (1.56%), ലാര്സന് (1.33%), ബ്രിട്ടാന്നിയ (1.10%) എന്നീ കമ്പനികളുടെ ഓഹരികളിലാണ് ഇന്ന് നേട്ടമുണ്ടാക്കിയത്.
അതേസമയം വ്യാപാരത്തില് രൂപപ്പെട്ട സമ്മര്ദ്ദം മൂലം വിവിധ കമ്പനികളുടെ ഓഹരികളില് ഇന്ന് നഷ്ടം രേഖപ്പെടുത്തി. ജെഎസ്ഡബ്ല്യു സ്റ്റീല് (-3.21%), കോള് ഇന്ത്യ (-3.13%), ഭാരതി എയര്ടെല് (-3.05%), ടാ്റ്റാ സ്റ്റീല് (-2.32%), ഇന്ഡ്സ് ഇന്ഡ് ബാങ്ക് (-2.24%) എന്നീ കമ്പനികളുടെ ഓഹരികളിലാണ് ഇന്ന് നഷ്ടം രേഖപ്പെടുത്തിയത്.
എന്നാല് വ്യാപാരത്തില് രൂപപ്പെട്ട ചില ആശയകുഴപ്പങ്ങള് മൂലം വിവിധ കമ്പനികളുെട ഓഹരികളില് ഇന്ന് ഭീമമായ ഇടപാടുകളാണ് നടന്നത്. ഐസിഐസിഐ ബാങ്ക് (1,708.62), സീ എന്റര്ടെയ്ന് (1,477.95), റിലയന്സ് (1,413.78), യെസ് ബാങ്ക് (1,397.00), എസ്ബിഐ (1,023.01) എന്നീ കമ്പനികളുടെ ഓഹരികളിലാണ് ഇന്ന് ഭീമമായ ഇടപാടുകള് നടന്നത്.
