ഈ ആഴ്ച്ചയിലെ ഏറ്റവും അവസാനത്തെ വ്യാപാര ദിനമായ ഇന്ന് ഓഹരി വിപണിയില്‍ സ്ഥിരതയുണ്ടായി. റിസര്‍വ്വ് ബാങ്ക് ഓഫ് ഇന്ത്യ ഈ മാസം ചേരുന്ന പണനയ അവലോകന യോഗത്തില്‍ പലിശ നിരക്ക് വീണ്ടും കുറക്കുമെന്ന പ്രതീക്ഷയാണ് ഓഹരി വിപണി ഇന്ന് നേട്ടത്തില്‍ അവസാനിച്ചത്. അതേസമയം ഓാഹരി വിപണയില്‍ ഇപ്പോഴും ചില ആശയ കുഴപ്പങ്ങള്‍ നിലനില്‍ക്കുന്നുണ്ട്. സമ്പന്നര്‍ക്ക് കേന്ദ്രസര്‍ക്കാര്‍ കൂടുതല്‍ സര്‍ചാര്‍ജ് ഏര്‍പ്പെടുത്തുമെന്ന ഭീതിയില്‍ നിക്ഷേപകരില്‍ ചിലര്‍ ഇന്ന് പിന്നോട്ടുപോയിരുന്നു. ബജറ്റ് പ്രഖ്യാപനങ്ങളിലെ ചില കാര്യങ്ങളില്‍ കേന്ദ്രസര്‍ക്കാര്‍ വ്യക്തത വരുത്തത് മൂലമാണ് നിക്ഷേപകര്‍ കഴിഞ്ഞ കുറേ ദിവസങ്ങളായി പിന്നോട്ടുപോകുന്നതിന് കാരണമായത്. എന്നാലിന്ന് ഒഹരി വിപണിയില്‍ ചില കാരണങ്ങള്‍ കൊണ്ട് സ്ഥിരതയുണ്ടാവുകയും ചെയ്തു. അതേസമയം വ്യവസായിക മുന്നേറ്റം ലക്ഷ്യമിട്ട് ആര്‍ബിഐ പ്രത്യേക സമതി രൂപീകരിക്കുന്ന കാര്യത്തിലും നിക്ഷേപകര്‍ക്ക് കൂടുതല്‍ പ്രതീക്ഷയാണ് ഉണ്ടായിട്ടുള്ളത്. വ്യാവസായിക വളര്‍ച്ച ലക്ഷ്യമിട്ട് ആര്‍ബിഐ ഈ മാസം പലിശ നിരക്ക് കുറക്കുമെന്നാണ് സൂചന. എന്നാല്‍ ഇന്ത്യന്‍ ഓഹരികള്‍ വിദേശ നിക്ഷേപകര്‍ വാങ്ങാനുള്ള തയ്യാറെടുപ്പും നടത്തിയേക്കുമെന്ന വാര്‍ത്തയും ഇപ്പോള്‍ പരക്കുന്നുണ്ട്.
മുംബൈ ഓഹരി സൂചികയായ സെന്സെക്സ് 118.69 പോയിന്റ് ഉയര്‍ന്ന് 37,137.01 ലെത്തിയാണ് ഇന്ന് വ്യാപാരം അവസാനിച്ചത്. ദേശീയ ഓഹരി സൂചികയായ നിഫ്റ്റി 17.40 പോയിന്റ് ഉയര്‍ന്ന് 10,997.40 ലെത്തിയാണ് ഇന്ന് വ്യാപാരം അവസാനിച്ചത്. നിലവില്‍ 1104 കമ്പനികളുടെ ഓഹരികള്‍ നേട്ടത്തിലും, 1339 കമ്പനികളുടെ ഓഹരികള്‍ നഷ്ടത്തിലുമാണുള്ളത്.
ഭാരതി എയര്‍ടെല്‍ (6.07%), ഏഷ്യന്‍ പെയ്ന്റ്‌സ് (2.69%), ബജാജ് ആട്ടോ (2.48%), മാരുതി സുസൂക്കി (2.10%), എയ്ച്ചര്‍ മോട്ടോര്‍സ് (2.07%) എന്നീ കമ്പനികളുടെ ഓഹരികളിലാണ് ഇന്ന് നേട്ടമുണ്ടാക്കിയത്.
വ്യാപാരത്തിലെ സമ്മര്‍ദ്ദം മൂലം ചില കമ്പനികളുടെ ഓഹരികളില്‍ ഇന്ന് ഇടിവ് രേഖപ്പെടുത്തി. ഇന്‍ഡ്യാബുള്‍സ് എച്ച്എസ്ജി (-6.19%), എന്‍പിടിസി (-2.69%), എസ്ബിഐ (-2.74%), ടാറ്റാ സ്റ്റീല്‍ (-2.60%), കോള്‍ ഇന്‍ഡ്യ (-2.59%) എന്നീ കമ്പനികളുടെ ഓഹരികളിലാണ് ഇന്ന് ഇടിവുണ്ടായിട്ടുള്ളത്.
അതേസമയം വ്യാപാരത്തിലെ ആശയ കുഴപ്പങ്ങള്‍ മൂലം ചില കമ്പനികളുടെ ഓഹരികളില്‍ ഇന്ന് കൂടുതല്‍ ഇടപാചടുകളാണ് നടന്നത്. എസ്ബിഐ (1,988.21), എച്ച്ഡിഎഫ്‌സി ബാങ്ക് (1,540.32), റിലയന്‍സ് (1,286.74), ഐസിഐസിഐ ബാങ്ക് (1,270.32), എച്ച്ഡിഎഫ്‌സി ബാങ്ക് (1,255.13) എന്നീ കമ്പനികളുടെ ഓഹരികളിലാണ് ഇന്ന് കൂടുതല്‍ ഇടപാടുകള്‍ നടന്നത്.
