ഓഹരി വിപണി ഇന്ന് നേട്ടത്തോടെ അവസാനിച്ചു. യുഎസ്-ചൈന വ്യാപാര തര്ക്കം സമവായത്തിലേക്കെത്തുമെന്ന പ്രതീക്ഷയാണ് ഓഹരി വിപണി ഇന്ന് നേട്ടത്തോടെ അവസാനിക്കാന് കാരണമായത്. എന്നാല് ഇന്ത്യയില് ഇപ്പോള് രൂപപ്പെട്ടിട്ടുള്ള സാമ്പത്തിക പ്രതിസന്ധിയില് നിന്ന് കരകയറാന് കേന്ദ്രസര്ക്കാര് വേഗത്തില് നടപടികള് സ്വീകരിക്കുമെന്ന പ്രതീക്ഷയും ഓഹരി വപണി ഇന്ന് നേട്ടത്തിലെത്തുന്നതിന് കാരണമായി.
മുംബൈ ഓഹരി സൂചികയായ സെന്സെക്സ് 199.31 പോയിന്റ് ഉയര്ന്ന് 41020.61 ലെത്തിയാണ് ഇന്ന് വ്യാപാരം അവസാനിച്ചത്. ദേശീയ ഓഹരി സൂചികയായ നിഫ്റ്റി 63 പോയിന്റ് ഉയര്ന്ന് 12100.70 ലെത്തിയാണ് ഇന്ന് വ്യാപാരം അവസാനിച്ചത്. നിലവില് 1210 കമ്പനികളുടെ ഓഹരികള് നേട്ടത്തിലും, 1274 കമ്പനികളുടെ ഓഹരികള് നഷ്ടത്തിലുമാണുള്ളത്.
യെസ് ബാങ്ക് (8.08%), ഉള്ട്രാടെക് സിമന്റ് (2.96%), എസ്ബിഐ (2.40%), മാരുതി സുസൂക്കി (2.38%), ഹിന്ദാല്കോ (2.16%) എന്നീ കമ്പനിളുടെ ഓഹരികളിലാണ് ഇന്ന് നേട്ടമുണ്ടാക്കിയത്.
അതേസമയം വ്യാപാരത്തില് രൂപപ്പെട്ട സമ്മര്ദ്ദം മൂലം വിവിധ കമ്പനികളുടെ ഓഹികളില് ഇന്ന് നഷ്ടം രേഖപ്പെടുത്തി. ഭാരതി ഇന്ഫ്രാടെല് (-3.16%), സിപ്ല (-2.20%), ലാര്സെന് (-2.02%), ഐസിഐസിഐ ബാങ്ക് (-1.02%), ഐടിസി (-0.88%) എന്നീ കമ്പനികളുടെ ഓഹരികളിലാണ് ഇന്ന് നഷ്ടം രേഖപ്പെടുത്തിയത്.
എന്നാല് വിപണിയില് ഇന്ന് രൂപപ്പെട്ട ആശങ്കകള് മൂലം വിവിധ കമ്പനികളുടെ ഓഹരികളില് ഇന്ന് ഭീമമായ ഇടപാടുകളാണ് നടന്നിട്ടുള്ളത്. യെസ് ബാങ്ക് (1,737.73), ഐസിഐസിഐ ബാങ്ക് (1,509.75), എച്ച്ഡിഎഫ്സി (1,343.13), സീ എന്റര്ടെയ്ന്മെന്റ് (1,236.58), എസ്ബിഐ (1,167.08) എന്നീ കമ്പനികളുടെ ഓഹരികളിലാണ് ഇന്ന് ഭീമമായ ഇടപാടുകള് നടന്നത്.
